Міжнацыянальны канфлікт казахаў і дунган у Казахстане: пагромы і 8 забітых ВІДЭА
Канфлікт адбыўся ўвечары 7 лютага ў Жамбылскай вобласці Казахстана, у сяле Масанчы. Спачатку з'явілася паведамленне пра бойку паміж сямюдзесяццю людзьмі. Але паколькі сутычка здымалася відавочцамі на мабільнікі і выкладвалася ў сацсеткі, хутка да канфлікту далучыліся яшчэ 300 чалавек — жыхары суседніх сёлаў, інфармуе Turantimes.kz.
Міністр унутраных спраў Казахстана Ерлан Тургумбаеў паведаміў пра 8 загінулых і 40 пацярпелых. Некалькі дзясяткаў чалавек атрымалі раненні, у тым ліку агнястрэльныя.
Пашкоджана больш за 30 прыватных дамоў, 15 гандлёвых пунктаў і 23 аўтамабілі.
Цяпер сітуацыя стабілізавалася і знаходзіцца пад кантролем паліцыі і вайскоўцаў. Для расследавання канфлікту створаць міжведамасную камісію. Яна мусіць знайсці тых, хто заклікае да міжнацыянальнай варожасці і распаўсюджвае правакацыйныя чуткі і дэзінфармацыю. У сацсетках з'явіліся паведамленні, што казахі напалі на дамы кітаямоўных мусульман, якія жывуць у ауле Масанчы Дунган. Афіцыйна пра гэта не паведамляецца.
Сегодня ночью на границе Казахстана и Киргизии было месиво — казахи напали на дома китаеязычных мусульман, в итоге 8 человек погибли, ещё 40 пострадали.
По словам президента Казахстана Токаева, ситуацию полностью контролируют полиция и нацгвардия — задержаны 47 человек. pic.twitter.com/vTuHSxIbKx
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары