Палітык, былая дэпутатка Палаты прадстаўнікоў Ганна Канапацкая выказалася адносна канфлікту між расійскім «Першым каналам» і беларускімі ўладамі.
Расійскія тэлевізійнікі падрыхтавалі матэрыял пра сітуацыю з каранавірусам у Беларусі, з’ездзілі ў Стоўбцы, дзе пагаварылі з некаторымі людзьмі. Агульны пасыл роліка быў такім, што сітуацыя ў Беларусі з хваробай ужо не кантралюецца. У вечаровым выпуску «Панарамы» на «Беларусь-1» працу расійскіх журналістаў назвалі «дном і прапагандай». У выніку карэспандэнцкі пункт «Першага канала» пазбавілі акрэдытацыі, а журналіста Аляксея Кручыніна выслалі з Беларусі.
Чытайце. БТ: Сем фэйкаў пра Беларусь — гэта дно, таварышы прапагандысты з «Першага канала»
«Заўсёды стаяла і буду стаяць за свабоду слова! Выказваю сваю падтрымкі расійскім журналістам- тэлевізійнікам, якія заўсёды прафесійна робяць сваю працу, нагадваю, што цяпер у нас усё самае цікавае толькі пачынаецца», — піша Канапацкая ў сваім тэлеграм-канале.
«У найбліжэйшыя дні павінна быць аб'яўлена дата прэзідэнцкіх выбараў. Аднак дата гэтая, у сілу адсутнасці пацверджання легітымнасці ў цяперашняга складу Палаты прадстаўнікоў, можа так і застацца проста каляндарнай датай. Далёка ад нас не адыходзьце, будзе шумна і інфарматыўна!» — папярэджвае Канапацкая.
У размове з «НН» Канапацкая пацвердзіла, што зварот сапраўды належыць ёй. «Гэта найперш падтрымка свабоды слова», — сказала яна.
«Будучы дэпутатам, я адзіная выступала за адмену акрэдытацыі ў прынцыпе, уносячы адпаведныя папраўкі ў закон. І мяне падтрымлівалі і БАЖ, і многія журналісты», — адзначыла Канапацкая.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары