Вайскоўцы М'янмы здзейснілі вайсковы пераварот. Аун Сан Су Чжы арыштаваная
Узброеныя сілы М'янмы абвясцілі ў краіне надзвычайнае становішча тэрмінам на год пасля затрымання кіраўнікоў дзяржавы.
Як піша Reuters, вайскоўцы абвясцілі, што ўлада пераходзіць у рукі галоўнакамандуючага ўзброенымі сіламі Мін Аун Хлаіна. Віцэ-прэзідэнт М'інт Шве прызначаны выконваючым абавязкі прэзідэнта, перадае партал Irrawaddy.
Па іх словах, прэзідэнт Він М'ін і дзяржсаветнік (пасада адпавядае кіраўніку ўрада), лідар кіруючай партыі «Нацыянальная ліга за дэмакратыю» (НЛД) Аун Сан Су Чжы былі затрыманыя ў адказ на «махінацыі» на лістападаўскіх выбарах.
Аб затрыманні прэзідэнта і дзяржсаветніка паведаміў прадстаўнік НЛД Міа Н'юнт. Паводле яго слоў, раніцай 1 лютага былі «схопленыя» і іншыя высокапастаўленыя прадстаўнікі партыі.
Сярод затрыманых аказаліся члены Цэнтральнага выканаўчага камітэта партыі, дэпутаты і члены ўрада, перадае Assosiated Press. Паводле звестак агенцтва, Аун Сан Су Чжы змясцілі пад хатні арышт.
На выбарах у лістападзе НЛД атрымала перамогу, атрымаўшы 396 з 476 месцаў. Гэта дазволіла партыі сфармаваць урад яшчэ на пяць гадоў. Партыя салідарнасці і развіцця Саюза, якую падтрымліваюць вайскоўцы, атрымала толькі 33 месцы. Вайскоўцы паскардзіліся на фальсіфікацыі і аспрэчылі вынікі ў Вярхоўным судзе, выбарчая камісія не знайшла доказаў махлярства.
Пасля гэтага армія прыстрашыла «прыняць меры». На гэтым фоне паўсталі асцярогі аб верагоднасці дзяржаўнага перавароту, аднак Узброеныя сілы краіны паабяцалі выконваць Канстытуцыю.
Як перадае Irrawaddy, цяпер у сталіцы М'янмы Найп'іда адключаная мабільная сувязь, дзяржаўнае тэлебачанне не працуе, даступны толькі тэлеканал, які належыць вайскоўцам.
Прэс-сакратарка Белага дома Джэн Псакі заявіла, што Злучаныя Штаты сочаць за падзеямі ў М'янме. «ЗША выступаюць супраць любых спробаў змяніць вынік нядаўніх выбараў ці перашкодзіць дэмакратычнай перадачы ўлады ў М'янме і прымуць меры супраць вінаватых, калі гэтыя крокі не будуць адмененыя», — падкрэсліла яна.
Вайскоўцы знаходзіліся ва ўладзе ў М'янме ад 1962 да 2011 года, адзначае РБК.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары