Банк ператварыў свой офіс у цэнтры Мінска ў мастацкую галерэю
У аддзяленні Банка Дабрабыт у раёне Нямігі адкрылася мастацкая галерэя. З працамі сучасных беларускіх аўтараў у ёй можна азнаёміцца як днём, так і ноччу. Экспазіцыю размясцілі ў вокнах, прычым палова карцін «глядзіць» на вуліцу і адмыслова асвятляецца ў цёмны час сутак.
Новая мастацкая галерэя адкрылася ў офісе Банка Дабрабыт на Пераможцаў, 3. У ёй будуць выстаўляцца работы як ужо вядомых беларускіх мастакоў, так і тых, хто толькі пачынае свой творчы шлях. Мяняць экспазіцыю плануецца кожныя 2 месяцы. Уваход на выставу — вольны.
У найбліжэйшыя пару месяцаў наведвальнікі змогуць азнаёміцца з работамі мастака-графіка Андрэя Басалыгі. Для яго характэрны ўласны мастацкі стыль, выпрацаваны ў дыялогу паміж традыцыйным мастацтвам і авангардам ХХ стагоддзя. Аўтар імкнецца спалучаць у кожным сваім творы пласты эстэтычнага, эмацыйнага, інтэлектуальнага і канструктыўнага сэнсаў.
Усяго ў вокнах аддзялення размяшчаецца 20 карцін, палова з якіх павернутая выявай унутр, а палова — вонкі. Таму частка экспазіцыі будзе бачная мінакам. У цёмны час сутак прадугледжана дадатковая падсвятленне работ.
Выстава адкрыта для наведвання падчас працы офіса: з панядзелка па пятніцу з 9:00 да 20:00 і ў суботу з 10:00 да 18:00. Пасля закрыцця аддзялення прагляд экспазіцыі даступны толькі звонку будынка. Усе прадстаўленыя на выставе карціны можна купіць.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары