У Беларусі затрымалі меркаванага забойцу сям'і маскоўскага банкіра
Па даных «Коммерсанта», падазраваным аказаўся былы дзелавы партнёр Яхантава Андрэй Скрыпкін. Следства мяркуе, што ў яго адбыўся канфлікт з Яхантавым, пасля чаго ён прыйшоў дадому да фінансіста з мэтай забойства.
Як мяркуецца, злачынец не чакаў, што дома будуць жонка і сын Яхантава, і забіў іх як сведак, як распавялі крыніцы «Коммерсанта».
Пасля забойства мужчына адразу з'ехаў з Масквы. Яго абвясцілі ў вышук і затрымалі ў Беларусі, адкуль ён, як мяркуецца, збіраўся з'ехаць у Еўропу.
Мужчыну ўдалося затрымаць дзякуючы запісам з відэакамер, устаноўленых у жылым комплексе, дзе жыў Яхантаў. Чакаецца, што 28 кастрычніка падазраванага даставяць у Маскву.
Напярэдадні на Масфільмаўскай вуліцы ў Маскве знайшлі целы мужчыны, жанчыны і васьмігадовага дзіцяці ў кватэры. Па звестках крыніцы «РІА Навіны», у дарослых былі нажавыя раненні, у хлопчыка — траўма шыі. Следчы камітэт распачаў крымінальную справу.
Забіты аказаўся адным з топ-менеджараў маскоўскага філіяла «Смаленскага банка» Міхаіл Яхантаў. У 2016 годзе ён стаў фігурантам крымінальнай справы праз наўмыснае банкруцтва. Яго абвінавачвалі ў вывадзе на рахункі падкантрольных замежных кампаній больш за 600 мільёнаў расійскіх рублёў. У 2019 годзе Яхантава прысудзілі да шасці гадоў калоніі. З улікам таго, што арыштаваны ён быў яшчэ ў 2016 годзе, а дзень у СІЗА залічваецца за паўтара дня ў калоніі, тэрмін у яго скончыўся гэтым летам.
Прысудам суда з Яхантава і трох ягоных саўдзельнікаў спагналі больш за 8,4 мільярда рублёў на карысць Агенцтва па страхаванні ўкладаў.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж14
Каментары