Нямеччына часова спыніла сертыфікацыю газаправоду «Паўночны паток — 2»
Федэральнае агенцтва Нямеччыны па сетках (Bundesnetzagentur) часова спыніла працэдуру сертыфікацыі газаправоду Nord Stream 2 AG як незалежнага аператара перадачы, піша Радыё Свабода.
Пра гэта паведамляецца на афіцыйным сайце нямецкага рэгулятара, піша Радыё Свабода.
«Пасля пільнага вывучэння дакументацыі Bundesnetzagentur прыйшло да высновы, што сэртыфікаваць апэратара газаправода «Паўночны паток — 2» можна будзе толькі ў тым выпадку, калі гэты аператар будзе арганізаваны ў юрыдычнай форме адпаведна нямецкаму заканадаўству», — адзначаецца ў паведамленні.
Цяпер кампанія-аператар «Паўночны паток — 2» базуецца ў Швейцарыі. У Нямеччыне створана яе даччыная кампанія для кіравання нямецкай часткай газаправоду. Паводле Федэральнага агенцтва, гэтая даччыная кампанія мусіць яшчэ стаць уладальніцай і аператарам нямецкай часткі газаправоду, і толькі пасля гэтага павінна выканаць патрабаваньні незалежнага аператара, згодна з законам аб энергетычнай прамысловасці Нямеччыны.
«Працэдура сертыфікацыі застанецца прыпыненай, пакуль асноўныя актывы і чалавечыя рэсурсы не будуць перададзены даччынай кампаніі і Федэральнае агенцтва не зможа праверыць, ці завершана дакументацыя, якую даччыная кампанія мусіць падаць паўторна. Калі гэтыя патрабаванні будуць выкананыя, Федэральнае агенцтва зможа аднавіць сертыфікацыю ў апошнія чатыры месяцы, як гэта прадугледжана ў законе, і падрыхтаваць праект рашэньня і перадаць яго ў Еўрапейскую камісію для заключэння», — патлумачылі ў Федэральным агенцтве Нямеччыны па сетках.
Пра часовае спыненне працэдуры Bundesnetzagentur загадзя паінфармавала Федэральнае міністэрства эканомікі і энергетыкі (BMWi) і Еўрапейскую камісію.
-
Севярынец пра ўльтыматум Зяленскага да Лукашэнкі: Праз некалькі дзён мы можам апынуцца ў сітуацыі, пра якую яшчэ нядаўна думалі як пра малаверагодную
-
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы
-
Расія цісне на Беларусь, прымушаючы ўступіць у вайну супраць Украіны — WSJ
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы7
Каментары