БДУІР не працягнуў кантракт з дэканам факультэта камп'ютарных сетак і сістэм (ФКСіС) Наталляй Бабровай. Увосень 2020 года яна прыйшла на змену Марыне Лукашэвіч, якая адмовілася падпісваць загад аб адлічэнні студэнтаў свайго факультэта і напісала заяву па ўласным жаданні, піша Dev.by.
Інфармацыю аб звальненні Бабровай пацвердзіў адзін з выкладчыкаў факультэта. Прычыны, адзначыў ён, не вядомыя выкладчыцкаму складу. З яго слоў, Наталля Леанідаўна «не заўважаная ў адлічэннях або звальненнях». І наогул была «незаўважнай», у адрозненне ад сваёй папярэдніцы.
— Па адчуваннях, вялікую частку працы рабілі яе намеснікі — Уладзімір Гаравы і Уладзімір Логін. З таго, што ўспамінаецца — яе размова пра ФКСіС на Дні адкрытых дзвярэй у БДУІР.
У прэс-службе БДУІР нам адказалі, што Наталля Леанідаўна «перастала займаць пасаду дэкана ФКСіС у сувязі са сканчэннем тэрміну дзеяння кантракта і пенсійным узростам, аднак застаецца працаваць ва ўніверсітэце».
Дэкан ФКСіС Марына Лукашэвіч звольнілася з ВНУ 1 лістапада 2020 года. Dev.by яна сказала, што зрабіла гэта сама без якога-небудзь ціску. Ад каментарыяў Марына Міхайлаўна адмовілася, а студэнтаў папрасіла ў чаце не ладзіць пратэстаў у сувязі з яе сыходам.
Паводле інфармацыі dev.by, Марына Лукашэвіч сышла ў буйную аўтсорсінгавую кампанію. У самой кампаніі прасілі не пісаць пра гэта.
-
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу
-
У адной з вёсак пад Мінскам з'явіўся музей дарожных знакаў. Іх тут некалькі, ёсць нават «пешаходны пераход»
-
Літоўскія памежнікі затрымалі на мяжы з Беларуссю 30 нелегалаў, якія вылазілі з падкопу на мяжы
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу5
Каментары