Бізнэсоўца, сузаснавальніка Kyky.org Аляксандра Васілевіча вызвалілі ў зале суда
4 лютага Аляксандра Васілевіча вызвалілі ў зале суда. Уладальніку рэкламнага агенцтва Vondel/Hepta і прасторы «Галерэя Ў», саўладальніку Kyky.org ставілі ў віну ўхіленне ад выплаты падаткаў (ч. 2 арт. 243 КК).
Васілевічу пагражала да пяці гадоў абмежавання волі або пазбаўленне волі на тэрмін ад трох да сямі гадоў. Суд над ім праходзіў у закрытым рэжыме.
Суддзя Марына Фёдарава 4 лютага абвясціла прысуд: тры гады калоніі агульнага рэжыму. Васілевіча вызвалілі ў зале суда у сувязі з заканчэннем тэрміну прыцягнення да адказнасці, паведамляе «Свабода».
За кратамі Аляксандр Васілевіч знаходзіўся з 28 жніўня 2020 года. Першапачаткова яго затрымлівалі ў ліпені 2020 года, перад выбарамі. Тады ён падаваў паручальніцтва за вызваленне Віктара Бабарыкі, але быў затрыманы і атрымаў суткі.
28 жніўня, ужо пасля выбараў, прыйшлі яшчэ раз. Васілевіча затрымалі, неўзабаве стала вядома, што на яго заведзеная крымінальная справа.
Аляксандр Васілевіч быў прызнаны палітвязнем.
Пакуль ён знаходзіўся за кратамі, у яго нарадзілася дачка.
«У камеры спяць у шапках». Жонка бізнэсоўца Аляксандра Васілевіча — пра свой ад'езд, закрыццё галерэі «Ў» і камеру мужа на Валадарцы
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку
Каментары