Палітвязня Дзмітрыя Абрамука, асуджанага па брэсцкай «карагоднай справе», пераводзяць з «хіміі» ў калонію
Праваабаронцам «Вясны» паведамілі, што 17 лютага над палітзняволеным Дзмітрыем Абрамуком адбыўся суд па ўзмацненні пакарання за парушэнні рэжыму ПУАТ. Палітвязню замянілі тры гады «хіміі» на 1 год і 1 месяц калоніі.
Акрамя гэтага, учора адміністрацыя віцебскага СІЗА пакарала Абрамука 10 суткамі ШІЗА за адмову прыбірання туалетаў.
У снежні-студзені Абрамук па чатырох рапартах аб парушэннях ужо быў змешчаны ў ШІЗА на 40 сутак. Пасля вяртання на «хімію» пры паходзе ў краму ён пакінуў ПУАТ, а праз тры дні быў затрыманы і змешчаны ў віцебскае СІЗА-2.
Дзмітрый Абрамук — фігурант брэсцкай «карагоднай справы». 15 сакавіка минулага года суд пакараў яго 2 гадамі «хіміі» па арт. 342 КК. Праз некалькі месяцаў яго асудзілі да 2 гадоў «хіміі» яшчэ і за абразу Лукашэнкі. Агульны тэрмін зняволення, які ён раней меў — тры гады «хіміі».
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары