У Літве прапанавалі прыраўняць сімвал Z і георгіеўскую стужку да нацысцкіх і камуністычных сімвалаў
Дэпутаты Моніка Ашмянскене і Лінас Ёнаўскас зарэгістравалі папраўкі да Кодэкса аб адміністрацыйных правапарушэннях, паводле якіх георгіеўскую стужку і сімвал ўварвання Расіі ва Украіну Z прыраўняюць да нацысцкіх і камуністычных сімвалаў, піша Delfi.lt.
За іх распаўсюджванне, выкарыстанне на сходах і іншых масавых мерапрыемствах або іншага віду дэманстрацыі будзе пагражаць штраф ад 300 да 500 еўра.
Са слоў Ашмянскене і Ёнаўскаса, у кантэксце вайны георгіеўская стужка і сімвал Z сталі не толькі сімваламі прапаганды, але і агрэсіі, прычым пра забарону георгіеўскай стужкі дыскусіі вядуцца даўно, а цяпер сімвал Z распаўсюджваецца не як знак падтрымкі ваенных дзеянняў Расіі, а нават як сродак запалохвання.
«Некаторыя расіяне малююць Z на сваіх аўтамабілях, гэты знак з'яўляецца на вопратцы расійскіх спартоўцаў, яго малююць на дзвярах людзей, якія не падтрымліваюць пуцінскую прапаганду. Літара Z выкарыстоўвалася і падчас прарасійскай дэманстрацыі ў Бялградзе, а ў Літве пасля пачатку расійскай інвазіі ва Украіну гэты знак сталі маляваць на сценах. Нельга дапусціць, каб расійская прапаганда дасягнула свайго, і такімі знакамі тэрарызавалі дружалюбны Украіне бізнэс, жыхароў ці каб ажыццяўляліся розныя правакацыі», — сказала Ашмянскене.
Паводле законаў, у Літве забараняецца распаўсюджванне, выкарыстанне на сходах і іншых масавых мерапрыемствах, дэманстрацыя нацысцкіх і савецкіх сцягоў, гербаў, знакаў, уніформы з іх выявай, а таксама іншай атрыбутыкі з выявамі нацысцкіх і камуністычных сімвалаў.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект10
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары