Марыупаль на мяжы эпідэмічнай і экалагічнай катастроф з-за трупнага яду
Пра гэта паведаміла ўпаўнаважаная Вярхоўнай Рады Украіны па правах чалавека Людміла Дзянісава.
Паводле яе слоў, на працягу амаль трох месяцаў акупацыі горада жыхары хавалі забітых родных і суседзяў у дварах каля дамоў, якія знаходзяцца побач з камунікацыямі водазабеспячэння і водаадвядзення.
«Магілы пераважна не вельмі глыбокія — амаль на паверхні. Пасля запуску пашкоджаных сістэм водазабеспячэння вада вылілася на паверхню зямлі і пачала размываць стыхійныя пахаванні. Праз гэта з'явілася высокая пагроза пападання трупных ядаў, бактэрый, мікабактэрый туберкулёзу і іншых узбуджальнікаў хвароб, якія маглі быць у памерлага, у вадаправодную сістэму, падземныя крыніцы і рэкі з морам. Улічваючы, што фільтрацыйныя сістэмы і помпавыя станцыі для перапампоўкі каналізацыйных сцёкаў таксама пашкоджаныя акупантамі, пітная вада змешваецца са сцёкамі з каналізацыі і становіцца непрыдатнай для спажывання», — адзначыла яна.
Акрамя таго, як патлумачыла Дзянісава, расійскія захопнікі ператварылі горад у смеццязборнік, таму што бытавое смецце немагчыма вывезці ўжо два месяцы, яго пачалі выкідваць побач з дамамі.
«Частка смецця затопленая вадой з пашкоджаных труб водазабеспячэння і ад дажджоў, што прыводзіць да росту патагенных бактэрый, якія затым трапляюць у грунтавыя воды, рэкі і мора. Таксама з-за разарваных ракет і авіябомбаў, глеба, падземныя воды ў горадзе забруджаныя хімічнымі рэчывамі і цяжкімі металамі, што прыводзіць да небяспечнага для чалавека і навакольнага асяроддзя назапашвання канцэрагеннага смецця. Гэта пагражае масавымі атручэннямі і эпідэміяй інфекцыйных хвароб сярод марыупальцаў, а наступствы для навакольнага асяроддзя будуць вымярацца гадамі не толькі ва Украіне, але і за яе межамі», — падкрэсліла Дзянісава.
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары