У Расіі прапанавалі далучаць да яе краіны, якія падзяляюць яе каштоўнасці
Прадстаўнікі партыі «Справядлівая Расія — За праўду» распрацавалі новы законапраект, які дазваляе далучаць краіну ці частку краіны, якія падзяляюць расійскія культурныя каштоўнасці.
Фота: ТАСС
Дэпутаты ад партыі «Справядлівая Расія — За праўду» 1 ліпеня, у пятніцу, плануюць ўнесці ў Дзярждуму законапраект аб зменах у законе «Аб парадку прыняцця ў Расійскую Федэрацыю». Пра гэта РБК распавялі дзве крыніцы ў партыі.
Ініцыятыва прадугледжвае, што ў склад Федэрацыі можна будзе прыняць замежную дзяржаву або яе частку, калі большасць грамадзян падзяляюць расійскія культурныя каштоўнасці.
Як растлумачылі суразмоўцы РБК, суаўтарамі законапраекта выступяць дэпутаты-эсэры Дзмітрый Кузняцоў, Мікалай Навічкоў і кіраўнік фракцыі Сяргей Міронаў. Прадугледжваецца, што ініцыятыва будзе прадстаўленая падчас прэзентацыі Еўразійскай культурнай праграмы «Мост» дэпутатам Кузняцовым і сустаршынёй партыі Захарам Прылепіным.
Па заканадаўстве далучыць замежную дзяржаву або яго частку Расія можа па ўзаемнай згодзе і ў адпаведнасці з міжнародным дагаворам, «з заключаным Расійскай Федэрацыяй гэтай замежнай дзяржавай».
Прыняцце адбываецца «на добраахвотнай аснове», сказана ў законе» аб парадку прыняцця ў Расійскую Федэрацыю і ўтварэння ў яе складзе новага суб'екта Расійскай Федэрацыі».
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе22
Каментары