Учора ў Гродне была затрыманая кандыдат гістарычных навук, дацэнт Гродзенскага дзяржаўнага ўніверсітэта Святлана Сілава. Як піша «Хрысціянская візія», паслязаўтра чакаецца суд над ёй.
Папярэдне вядома, што Святлане Сілавай могуць паставіць у віну «захоўванне і распаўсюд экстрэмісцкіх матэрыялаў».
Сілава з 2000 года працуе на кафедры гісторыі Беларусі ГрДУ, з'яўляецца намесніцай загадчыка кафедры па вучэбнай працы.
Сілава — прадстаўніца вядомай у Беларусі гістарычнай школы прафесара Якава Мараша. Гродзенскі гісторык падрыхтаваў каля дзесяці навукоўцаў, якія да сённяшняга дня займаюцца канфесійнай гісторыяй Беларусі.
У кола навуковых інтарэсаў Святланы Сілавай уваходзіць гісторыя Праваслаўнай царквы ў Беларусі. Яшчэ ў 2005 годзе Беларускі экзархат выдаў яе працу «Крыжовы шлях: Беларуская Праваслаўная Царква ў перыяд нямецкай акупацыі 1941-1945 гадоў».
Каля 15 гадоў Святлана Сілава на грамадскіх пачатках супрацоўнічае з Гродзенскай епархіяй як навуковы эксперт. Гісторык брала ўдзел і арганізоўвала дзясяткі мерапрыемстваў, актыўна развівала супрацоўніцтва Гродзенскага ўніверсітэта з Мінскай духоўнай семінарыяй у Жыровічах. Акрамя таго, Сілава з'яўляецца членам епархіяльнай камісіі па кананізацыі святых.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы38
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары