У мінскім метро ў гадзіну пік спынілі рух цягнікоў з-за «інцыдэнту з пасажырам»
На Маскоўскай лініі сталічнага метро ўвечары ў панядзелак на некалькі хвілін спынілі цягнікі, паведамляе «Люстэрка». Пакуль вядома толькі тое, што прычынай затрымкі стала здарэнне з адным з пасажыраў.
Фота ілюстрацыйнае
Як расказалі чытачы «Люстэрка», якія сёння ўвечары ехалі ў метро, на «сіняй» галінцы цягнік у бок Барысаўскага тракту спынілі «з тэхнічных прычын». Гэта адбылося незадоўга да 19-й гадзіны, састаў прастаяў прыкладна пяць хвілін.
Крыху пазней у Мінскім метрапалітэне патлумачылі, што ў 18:55 на станцыі «Пятроўшчына» адбыўся «інцыдэнт з пасажырам». Праз гэта рух цягнікоў давялося ненадоўга прыпыніць.
Цяпер саставы зноў ходзяць, метро працуе ў штатным рэжыме. Што ж за інцыдэнт прыпыніў рух, не паведамляецца.
Каментары