Пра тое, што на месцы адной з найстарэйшых устаноў мінскага грамадскага харчавання, рэстарана «Журавінка», адкрылі бразільскі рэстаран, паведаміў у сваім тэлеграм-канале фуд-блогер «Мерзкий Кокобай».
Рэстаран на сталічнай вуліцы Янкі Купалы працаваў з канца 1960-х, перыядычна змяняючы назву і канцэпцыю — ад пляцоўкі для вяселляў да гастранамічнага комплексу Food Republic. Некалькі разоў «Журавінку» выстаўлялі на продаж.
Цяпер па гэтым адрасе пачала працаваць установа пад назвай «Рыа» з традыцыйнай бразільскай падачай rodizio, якая прадугледжвае безлімітны доступ да страў.
Мяркуючы па меню новай установы, мінімальны безліміт абыдзецца госцю ад 35 рублёў у будны дзень. Рэстаран працуе з 18 ліпеня.
Каментары