Чэрачань: Без Лукашэнкі мы можам быць уцягнутыя ў сур'ёзныя разборкі
Экс-кандыдат у прэзідэнты на выбарах 2020 года, лідар ліквідаванай Беларускай сацыял-дэмакратычнай Грамады Сяргей Чэрачань лічыць, што цяпер у краіне складаная сітуацыя.
«Ля нашых межаў ідзе вайна. Беларусь адчувае вельмі моцны ціск з боку калектыўнага Захаду. Ёсць сур'ёзная асцярога, што без Лукашэнкі ў гэты момант мы акажамся ўцягнутымі ў сур'ёзныя разборкі, і сітуацыю не атрымаецца ўтрымаць нават на тым узроўні напружання, якое існуе цяпер», — цытуе яго «Народная Воля».
Сяргей Чэрачань мяркуе, што людзі сёння не гатовыя рызыкаваць (выходзіць на пратэсты). Але нармальная палітыка і эканоміка адназначна патрэбныя.
«У парламенце патрэбная альтэрнатыва, нават у адзінкавым экзэмпляры. Але перадумовы, што ўлада гатовая да гэтага, адсутнічаюць», — кажа бізнэсовец-палітык.
Ён таксама не бачыць рызыкі ваеннай пагрозы для Беларусі з боку Польшчы, краін Балтыі.
«Пасля сітуацыі ва Украіне я ўжо не магу адназначна адказаць на гэтае пытанне, але, на мой погляд, рызыка адсутнічае як з боку краін Балтыі, Польшчы, так і з боку Беларусі. Усе працэсы выключна палітычныя і не маюць дачынення да рэальнай ваеннай пагрозы», — мяркуе ён.
Сяргей Чэрачань таксама не верыць у поўнае закрыццё межаў.
«Поўнага закрыцця межаў не будзе. Але сумна тое, што такім чынам улады нашых суседніх краін у першую чаргу адасабляюцца ад звычайных беларусаў. Абмежаваць перасоўванне для ўсіх — залішне паказальная мера», — падсумаваў экс-кандыдат у прэзідэнты.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3737
Каментары