У Беларусь з візітам прыбыў намеснік прэм'ер-міністра — міністр замежных спраў М'янмы Тан Све, паведаміў блізкі да МЗС тэлеграм-канал «Глас МЗС».
«І прыбыў не проста так… але нам заўсёды ёсць, што вам не сказаць… Скажам толькі, што сёння яшчэ і Генеральнае консульства М'янмы афіцыйна адкрыецца ў Мінску», — цешыцца тэлеграм-канал «Глас МИДа».
Аднак радавацца не варта спяшацца.
М'янма (раней Бірма) — былая калонія Вялікабрытаніі ў Паўднёва-Усходняй Азіі, якая здабыла незалежнасць у 1948 годзе. У 1962 годзе там адбыўся вайсковы пераварот.
Аун Сан Су Чжы, дачка змагара за незалежнасць Бірмы генерала Аун Сана, стварыла Нацыянальную лігу за дэмакратыю. У 1990-м яе партыя перамагла на парламенцкіх выбарах, але вайскоўцы адмовіліся аддаваць уладу. Су Чжы пасадзілі пад хатні арышт, пад якім яна правяла да 2010 года.
У 2015-м яе партыя атрымала перамогу на выбарах, а Су Чжы стала дзяржаўным дарадцам.
1 лютага 2021 года ў М'янме адбыўся вайсковы пераварот, Аун Сан Су Чжы была зноў арыштавана і асуджаная па некалькіх артыкулах да велізарных тэрмінаў.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары