ДАІ загадана адбіраць правы ва ўсіх выпадках, калі прадугледжана такая санкцыя — крыніцы
Імаверна, прычына — павелічэнне колькасці ДТЗ са смяротным вынікам у параўнанні з папярэднімі гадамі.
Многія артыкулы Кодэкса аб адміністрацыйных правапарушэннях (КаАП), якія рэгулююць адказнасць кіроўцаў за парушэнні правілаў дарожнага руху, пакідаюць інспектарам прастору для самастойнага прыняцця рашэння — адбіраць правы або не адбіраць і абмежавацца штрафам.
Як інфармуюць «Нашу Ніву» супрацоўнікі міліцыі, з нядаўняга часу інспектарам ДАІ даведзена адбіраць правы ва ўсіх выпадках, калі КаАП гэта дазваляе.
Прычына, нібыта, у тым, што ў краіне вырасла колькасць ДТЗ са смяротным вынікам, а таксама колькасць парушэнняў (што, магчыма, тлумачыцца павелічэннем прафілактычных мерапрыемстваў).
Згодна з Канцэпцыяй забеспячэння бяспекі дарожнага руху максімальная гадавая смяротнасць на дарогах, да якой імкнецца ДАІ — 450 смерцяў на год. У 2022-м на дарогах загінулі 466 чалавек.
Чытайце таксама: Вынесены прысуд кіроўцу МАЗа, абвінавачанага ў гібелі 13 чалавек у ДТЗ пад Смалявічамі
Цяпер чытаюць
Стала вядома пра смерць доўгажыхаркі Марыі Канановіч з Валожыншчыны, якой па пашпарце быў 121 год4
Каментары