У чацвер, 28 верасня, у Дарожна-эксплуатацыйнай вытворчасці ЖКГ у Лідзе затрымалі 7 мужчын за экстрэмісцкія пасты, каментары ў сацсетках, піша канал @lida_grab_court.
Пасля затрымання нікога не адпусцілі, сцвярджаюць праваабаронцы. Паводле іх інфармацыі, прыйшоў загад затрыманых звольніць.
Апошнім часам, паводле канала, у Лідскай ЖКГ, звольнілі да заканчэння кантракту трох праграмістаў, а таксама майстра-жанчыну. На падставе чаго — невядома.
Праваабаронцы раней паведамлялі, што 22 верасня ў Лідскай ЖКГ быў затрыманы бухгалтар.
Акрамя таго, 21-22 верасня затрыманні прайшлі на прадпрыемстве «Белтэкс Оптык», на прадпрыемстве «Лакафарба». «Хутчэй за ўсё, рэйдамі па затрыманнях займаюцца «гастралёры» з Гродна», — паведамлялі праваабаронцы.
Каментары