Запуск саюзнага медыяхолдынга зноў адкладаецца, паміж Беларуссю і Расіяй «канцэптуальныя разыходжанні»
Стварэнню медыяхолдынга Саюзнай дзяржавы перашкаджаюць «канцэптуальныя разыходжанні» паміж расійскім і беларускім бакамі, заявіў дзяржаўны сакратар гэтага ўтварэння Дзмітрый Мезенцаў у інтэрв'ю тэлеканалу «Беларусь 1».
Па словах Мезенцава, у бакоў ёсць рознагалоссе адносна бачання таго, «якой павінна быць сетка вяшчання, які павінен быць масіў трансляванай інфармацыі і праз якія сродкі».
Чыноўнік адзначыў, што «пройдзены пэўны шлях, і ў рамках сумеснай калегіі Мінінфарма Беларусі і Мінлічбы Расіі падрыхтаваная прапанова па стратэгіі развіцця саюзных СМІ».
З ідэяй стварыць медыяхолдынг Саюзнай дзяржавы на пасяджэнні яе Вышэйшай дзяржрады 4 лістапада 2021 года ў Маскве выступіў Аляксандр Лукашэнка. Тады меркавалася, што структура з'явіцца да канца 2022 года, але гэтага не адбылося. Пасля і з беларускага, і з расійскага боку выстаўляліся новыя тэрміны, якія таксама зрываліся. У ліпені 2023 года Міністэрства лічбавага развіцця, сувязі і масавых камунікацый РФ паведаміла, што медыяхолдынг Саюзнай дзяржавы з'явіцца не раней за 2024 год.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары