Па інфармацыі Mayday team, 16 лістапада ў Бабруйску адбыўся суд па справе аб замене фігуранту справы «Рабочага руху» Уладзіміру Жураўку рэжыму ўтрымання. Суддзя Павел Карцінін пастанавіў перавесці палітвязня ў турму, адбываць тэрмін ён будзе ў магілёўскай турме № 4.
Уладзімір Жураўка — былы аператар дыстанцыйнага пульта кіравання цэху «Аміяк-3» на «Гродна Азот».
Яго затрымалі 18 верасня 2021 года і абвінавацілі паводле арт. 356 КК (здрада дзяржаве), арт. 188 КК (паклёп) і ч. 3 арт. 361-1 КК (стварэнне экстрэмісцкага фарміравання або ўдзел у ім). У лютым яго асудзілі да 15 гадоў калоніі.
Тэрмін Жураўку накіравалі адбываць у бабруйскую калонію.
Каментары