Беларускія банкі з 1 лютага будуць прымаць замежную валюту па абноўленых правілах, паведамілі ў Асацыяцыі беларускіх банкаў. У прыватнасці, з лютага ў краіне будзе дзейнічаць адзіны пералік прыкмет плацежнасці банкнот замежнай валюты.
Каб механізм пачаў працаваць, 17 банкаў і тры фінансавыя арганізацыі паўгода таму падпісалі пагадненне, пасля чаго дакумент быў ухвалены Нацыянальным банкам Беларусі.
Такім чынам, з 1 лютага ў беларускіх абменніках будуць прымаць брудныя і зношаныя купюры з натуральнымі прыкметамі выкарыстання і нават з невялікімі пашкоджаннямі.
Напрыклад, можна будзе здаць банкноты з пяццю надрывамі або надрэзамі да 3 міліметраў ці з адным, але да 5 міліметраў. Такія купюры прымуць, нават калі парывы або парэзы былі на іх самастойна залепленыя.
У некаторых выпадках нават свячэнне банкнот у ўльтрафіялеце не стане прычынай адмовы ў яе абмене. Але для гэтага структура паперы павінна быць не парушаная, а сама купюра — не рассыпацца і крышыцца.
У той жа час, як і раней, нельга будзе здаць у абменнікі разарваныя купюры ці банкноты або з абарванымі бакамі. Забарона таксама распаўсюджваецца на валюту, якая выкарыстоўвалася падчас аператыўных мерапрыемстваў і афарбаваныя спецыяльнай фарбай.
Таксама не атрымаецца абмяняць банкноты, якія выпадкова былі памытыя разам з адзеннем, калі пасля гэтага яны страцілі першапачатковую афарбоўку. Не прымуць і купюры, пашкоджаныя агнём, вільготныя, ліпкія, а таксама злепленыя з іншымі банкнотамі.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары