Сіноптык Дзмітрый Рабаў сказаў, што лістапад будзе самым непрыемным месяцам восені 2024 у Беларусі.
Нягледзячы на песімістычны прагноз на лістапад агулам, наступны тыдзень будзе не такі сумным. Ападкаў на працягу наступнага тыдня стане менш, а тэмпература паветра павысіцца, расказаў пра надвор'е ў Беларусі з 4 па 10 лістапада сіноптык Дзмітрый Рабаў.
Кароткачасовы дождж і мокры снег пройдуць па паўночным усходзе краіны 4 лістапада. Месцамі згусцяцца туманы. Не выключана ўзмацненне ветру. Ноччу будзе ад -3 да +3 °C. Днём у панядзелак прагназуецца +1…+8°C, у аўторак максімальная тэмпература будзе на адзін градус ніжэйшая.
У сераду месцамі магчымы слабыя кароткачасовыя ападкі. На ўсходзе можа быць слабы галалёд. Уначы будзе каля нуля, днём — ад +3 ° C на ўсходзе краіны да +11 ° C на захадзе.
У чацвер ападкі малаверагодныя. У начны час стане цяплей — +2 … +7 °C. Днём — +9 … +12 °С. У пятніцу будзе +6…+10°C.
У суботу і нядзелю на большай частцы Беларусі ападкаў не прадбачыцца. Па начах чакаецца да +6°С, днём 9 і 10 лістапада — да +11°С.
У канца месяца светлавы дзень, скараціўшыся прыкладна на паўтары гадзіны, складзе каля васьмі гадзін. Зменшыцца і колькасць сонечных дзён, а дзён з ападкамі чакаецца ад 16 да 20.
— Будуць усё часцей выпадаць ападкі ў выглядзе снегу і мокрага снегу, з парывамі ветру, — сказаў Рабаў.
— Па ўсяму, лістапад будзе самым непрыемным месяцам гэтай восені. З-за частых непагодлівых цыклонаў і хуткай змены атмасферных працэсаў надвор'е стане вельмі няўстойлівым, што можа прывесці да экстрэмальных з'яў надвор'я, — дадаў Рабаў.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары