Паляк, асуджаны за згвалтаванне і забойства беларускі, збіраецца абскарджваць пажыццёвы прысуд
На думку яго адвакатаў, у справе аб забойстве і згвалтаванні беларускі Лізы ў Варшаве не была дастаткова праверана наяўнасць свядомасці абвінавачанага. Пра сітуацыю распавядае warsaw.here.
11 сакавіка 24-гадовы Дарыян С., якога ў студзені прыгаварылі да пажыццёвага зняволення, падаў апеляцыю на свой прысуд.
Абаронцы паляка будуць настойваць на тым, што падчас следства наяўнасць свядомасці Дарыяна не была праверана дастаткова. Раней паведамлялася, што перад судом Дарыяна С. назвалі адэкватным, а сам ён прызнаў віну.
Трагедыя адбылася 25 лютага 2024 года ў цэнтры Варшавы. Беларуску Лізу знайшлі распранутай і ў непрытомным стане. Некалькі дзён медыкі змагаліся за жыццё дзяўчыны, але 1 сакавіка яна памерла, не апрытомнеўшы.
За злачынства ў студзені 2025 года асудзілі паляка Дарыяна С. Яго прыгаварылі да пажыццёвага зняволення.
Выпадак справакаваў хвалю абурэння ў сацсетках і публічных споведзяў пад хэштэгам #ХопіцьГвалціць, а ў Варшаве прайшоў мітынг супраць гвалту «Яе звалі Ліза».
Згвалтаваная ў Варшаве беларуска памерла
Пажыццёвае зняволенне: у Варшаве абвешчаны прысуд за згвалтаванне і забойства беларускі Лізы
Падазраваны ў забойстве Лізы Герцэн прызнаў віну
У Варшаве развітваюцца са згвалтаванай і забітай беларускай. На пахаванні быў Пазняк з жонкай ФОТА
«Яе звалі Ліза». У Варшаве прайшоў Марш у памяць аб згвалтаванай і забітай беларусцы РЭПАРТАЖ
Каментары