У Польшчы жыве 143 тысячы беларусаў з афіцыйнымі дакументамі на пражыванне
Па даных Упраўлення па справах замежнікаў Польшчы на 28 лютага 2025 года, колькасць грамадзян Беларусі з дзейнымі дазволамі на знаходжанне склала 143 097 чалавек, паведамляе тэлеграм-канал «Беларусы ў Польшчы».
Для параўнання: на канец 2023 года — амаль 119 тысяч грамадзян Беларусі мелі легальныя дакументы для пражывання; у жніўні 2020 года такіх было 28 тысяч.
З гэтых 143 тысяч часовы дазвол на жыхарства маюць 88 684, пастаянны — 42 378, дадатковую абарону — 8 699, карту рэзідэнта ЕС — 1 655, статус бежанца — 883, часовую абарону — 637, іншае — 161
Прычыны атрымання дазволаў: па працы — 62%. па іншых абставінах — 17%, для ўз’яднання сям’і — 17%, для навучання — 4%.
Беларусаў у Польшчы найбольш жыве ў: Мазавецкім ваяводстве (Варшава) — 53 000, Падляшскім ваяводстве (Беласток) — 15 000, Паморскім ваяводстве — 12 000
Агульная колькасць беларусаў у Польшчы афіцыйна не падлічваецца, бо людзі маюць дакументы розных катэгорый.
Паводле нефармальных ацэнак польскіх дзяржаўных органаў, у Польшчы можа знаходзіцца больш за 350 000 грамадзян Беларусі.
Цяпер чытаюць
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары