«Не спаў больш за 12 гадзін». Віноўніку ДТЗ з чатырма загінулымі ў Лідскім раёне выставілі абвінавачванне
Галоўным следчым упраўленнем Следчага камітэта ўстаноўлены абставіны ДТЗ, у якім загінулі 4 чалавекі, паведамляе прэс-служба СК.
23 лістапада 62-гадовы кіроўца Opel рухаўся па аўтадарозе М-6 у напрамку Гродна. Прыблізна а 15-й гадзіне каля вёскі Біскупцы Лідскага раёна мужчына заснуў за рулём і наехаў на дарожную агароджу, пасля чаго машына з’ехала ў кювет і перакулілася.
На момант аварыі ў аўтамабілі знаходзіліся 6 чалавек, двое з якіх — дзеці. Ад атрыманых траўмаў чатыры пасажыры (7, 17, 55 і 68 гадоў) загінулі на месцы. Кіроўца і 51-гадовы мужчына дастаўлены ў бальніцу. На дадзены момант іх жыццю і здароўю нічога не пагражае.
Паводле вынікаў судова-медыцынскай экспертызы, выжыламу пасажыру былі прычынены цяжкія цялесныя пашкоджанні.
Следчыя ўстанавілі, што кіроўца не спаў больш за 12 гадзін і адчуваў стомленасць, пра што неаднаразова казаў сваякам у аўтамабілі. Нягледзячы на гэта, ён працягнуў рух, што і стала фатальнай памылкай.
Жыхар Шчучынскага раёна прызнаў віну і раскаяўся ў зробленым. Ён расказаў, што напярэдадні ноччу сустрэў сваякоў з Віцебскай вобласці на чыгуначным вакзале, пасля чаго яны ўсе разам паехалі ў Смаргонь, дзе ў вайсковай частцы ў пляменніка ягонай жонкі была ўрачыстая прысяга. Ужо на зваротным шляху мужчына адчуў стомленасць, аднак не спыніўся, што і стала прычынай аварыі — ён заснуў за рулём.
Па выніках расследавання мужчыну прад’яўлена абвінавачанне па ч. 3 арт. 317 (парушэнне правілаў дарожнага руху, што па неасцярожнасці пацягнула смерць двух і больш асоб, а таксама прычыненне цяжкіх цялесных пашкоджанняў), што караецца тэрмінам ад трох да сямі гадоў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары