Падпал IKEA ў Вільні: грамадзяніну Украіны прад’яўлены абвінавачанні ў тэрарызме
У сераду Віленскі акруговы суд пачаў закрытае паседжанне па справе аб падпале гандлёвага цэнтра IKEA. Абвінавачаны — грамадзянін Украіны, якому на момант учынення злачынства было 17 гадоў, піша Delfi.lt.
Малады чалавек прызнаў сваю віну і пагадзіўся даваць паказанні. На пасяджэнне яго даставілі супрацоўнікі Службы грамадскай бяспекі (СГБ) — 13 мая споўніцца год, як ён знаходзіцца за кратамі, і да гэтай даты ён утрымліваўся пад вартай.
«Ён сказаў, што згодны з прад’яўленымі абвінавачваннямі, ён прызнаецца, я думаю, што ў прынцыпе ў гэтай справе магчыма скарочанае вывучэнне доказаў, тады прысуд можа быць скарочаны на траціну, закон прадугледжвае ў такіх выпадках пакаранне на траціну менш», — сказаў агенцтву Elta пракурор Генпракуратуры Томас Улдукіс, які падтрымлівае абвінавачванне ў гэтай справе.
Паводле пракурора, абвінавачванне па дадзенай справе з'яўляецца ўсебаковым і падрабязным, у ходзе папярэдняга расследавання ўкраінец неаднаразова дапытваўся і даваў паказанні. Пры скарочаным вывучэнні доказаў сведкі ў суд не выклікаюцца і не дапытваюцца.
Акрамя таго, як непаўналетні грамадзянін Украіны ён не можа быць асуджаны да пазбаўлення волі на тэрмін больш за 10 гадоў. Справа разглядаецца на закрытых судовых пасяджэннях, паколькі на момант учынення злачынства малады чалавек быў непаўналетнім.
Наступнае слуханне па справе адбудзецца 9 мая.
Абарону ўкраінца ў судзе ажыццяўляе прызначаны Літоўскай дзяржавай адвакат, а з удзельнікамі працэсу ён кантактуе праз руска-літоўскага перакладчыка.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары