Пра смерць італьянскага мадэльера і прадпрымальніка Джорджа Армані паведаміла ягоная кампанія Armani ў сваёй заяве. Мадэльеру быў 91 год.
«З бясконцым смуткам група Armani аб’яўляе пра смерць свайго стваральніка, заснавальніка і нястомнага рухавіка: Джорджа Армані, — паведамляецца ў заяве. — Сіньёр Армані, як яго заўсёды з павагай і захапленнем называлі супрацоўнікі і калегі, спакойна адышоў, акружаны блізкімі. Нястомны, ён працаваў да апошніх дзён, прысвячаючы сябе кампаніі, калекцыям і розным, заўсёды новым праектам, якія ажыццяўляліся і працягваюць развівацца».
Джорджа Армані быў мадэльерам і прадпрымальнікам, заснавальнікам кампаніі Armani. Ён стварыў лэйблы Giorgio Armani, Emporio Armani, Armani Jeans і Armani Privé, запускаў лінейку парфюмаў. Працаваў таксама як дызайнер касцюмаў для кіно.
Каментары