На выбарах у Чэхіі пасля падліку 70% галасоў упэўнена лідзіруе апазіцыя
У Чэхіі падлічылі больш за 70% галасоў на парламенцкіх выбарах, якія адбываліся два дні — 3 і 4 кастрычніка. Лідзіруе партыя былога прэм’ер-міністра Андрэя Бабіша ANO, якая атрымлівае каля 37% падтрымкі, піша «Еўрапейская праўда».
На другім месцы знаходзіцца правацэнтрысцкі блок «Разам», які цяпер знаходзіцца пры ўладзе, з вынікам каля 21%. Далей ідуць STAN («Мэры і незалежныя») — 10,7%, правапапулісцкая партыя «Свабода і прамая дэмакратыя» (SPD) — 8,2%, Пірацкая партыя — 8% і «Аўтамабілісты» — 7%. Левапапулісцкая партыя «Хопіць!» (Stačilo!) пакуль мае 4,5% і можа не прайсці пяціпрацэнтны бар’ер.
Нягледзячы на ўпэўненую перамогу, Андрэю Бабішу будзе цяжка стварыць урад большасці. Прэзідэнт Чэхіі Пётр Павел адзначыў, што фармаванне ўрадавай кааліцыі можа быць складаным.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары