3 снежня 2025 года стала вядома, што Узброеныя сілы Украіны ўжо як мінімум восьмы раз з пачатку года атакавалі ўчастак расійскага нафтаправода «Дружба». Пра гэта паведамілі ўкраінскія СМІ са спасылкай на Галоўнае ўпраўленне разведкі.
Выбух адбыўся на тэрыторыі Тамбоўскай вобласці, недалёка ад вёскі Казінскія Выселкі, на ўчастку нафтаправода Таганрог — Ліпецк у ноч на 2 снежня.
Сведкі расказвалі пра «гучны хлапок», які суправаджаўся агнявым заравам, бачным як з саміх Казінскіх Выселак, так і з навакольных тэрыторый. Казінскія Выселкі размешчаныя за 18 кіламетраў ад горада Мічурынска.
Акрамя выбуху на нафтаправодзе, у ноч на 3 снежня была атакаваная нафтабаза «Тамбоўнафтапрадукт», якая ўваходзіць у склад «Раснафты» і ў лістападзе 2025 года была далучаная да варонежскага філіялу «Варонежнафтапрадукту». У выніку гэтай атакі загарэліся тры рэзервуары з дызельным палівам.
З пачатку года пад украінскія ўдары ўжо траплялі іншыя ўчасткі нафтаправода «Дружба» ў Расіі. У студзені і сакавіку былі атакі на станцыю нафтаперапампоўкі «Навазыбкаў» у Бранскай вобласці. У жніўні як мінімум тройчы пад удары трапляў найбуйнейшы вузел «Унеча», а таксама станцыя «Нікольскае» ў Тамбоўскай вобласці. У верасні зноў быў атакованы вузел «Унеча».
Нафтаправод «Дружба» выкарыстоўваецца з савецкіх часоў для паставак расійскай нафты ў краіны Еўропы. Ён падзяляецца на паўднёвую і паўночную веткі: праз паўднёвую нафту працягваюць адпраўляць у Венгрыю і Славакію, а паўночная, якая пракладзеная праз Беларусь, раней ішла ў Польшчу і Германію, але ў 2023 годзе пастаўкі па ёй былі спыненыя.
Каментары
Народ в ЕС итак уже смотрят на украинские золотые унитазы и спрашивают на что идут европейские налоги
Об этом сказал министр финансов Сергей Марченко.