Актывіста кампаніі «Гавары праўду» вінавацяць у дробным хуліганстве.
Па сведчаннях міліцыянтаў, Павел лаяўся каля крамы, дзе яго нібыта і затрымалі. Сам Вінаградаў адмаўляе правапарушэнне і сцвярджае, што яго нават не выпусцілі пасля папярэдняга адміністрацыйнага арышту з ізалятара на Акрэсціна.
5 сакавіка суддзя ж Маскоўскага раёна Мінска Яўген Хаткевіч адправіў пратакол затрымання актывіста на дапрацоўку. Ён запатрабаваў прадставіць дадтковых сведкаў парушэння.
2 сакавіка Павел Вінаградаў павінен быў вызваліцца пасля 10-дзённага адміністрацыйнага арышту. Але родныя так і не дачакаліся яго выхаду з ІЧУ на Акрэсціна. Толькі ўначы стала вядома, што на актывіста кампаніі «Гавары праўду» склалі чарговы пратакол аб адміністацыйным правапарушэнні і на выхадныя адправілі ў ізалятар.
Разгляд справы адбудзецца 13 сакавіка ў судзе Маскоўскага раёна Мінска (пр-т Газеты «Праўда», 27) а 16.00.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары