Каардынатара незалежных назіральнікаў Карняенку не выпусцілі з краіны
Ён быў запрошаны ў Вену на тую ж канферэнцыю, куды паехала Ярмошына.
У аэрапорце «Мінск-2» Віктару Карняенку паведамілі, што ён невыязны і паставілі ў пашпарт адпаведную пячатку.
«Мне нічога не патлумачылі. Я атрымаў пасадачны талон, усё прайшоў. А на пашпартным кантролі памежнікі мне сказалі, што ёсць забарона на мой выезд. І тлумачэнняў больш не было. Я нават сфатаграфаваў: побач мой пасадачны талон і штамп «У выездзе адмоўлена», усё добра бачна, — заявіў Карняенка. — Я збіраўся ў Вену на гэтую канферэнцыю, якая там адбываецца цягам двух дзён і ў якой бярэ ўдзел старшыня ЦВК Лідзія Ярмошына. На гэтае мерапрыемства ў мяне таксама было запрашэнне, якое мне ўчора даслалі, каб я сёння раніцай мог прыляцець і ўзяць удзел у другім працоўным дні. Але гэтага, відаць, не захацелі беларускія ўлады».
11 ліпеня ў доме сустаршыні кампаніі «За справядлівыя выбары» Віктара Карняенкі ў Фаніпалі (Дзяржынскі раён) прайшоў ператрус паводле санкцыі пракурора. Там сканфіскавалі наклад бюлетэняў «За справядлівыя выбары».
10 сакавіка беларускія памежнікі ўжо аднойчы спынялі Карняенку на мяжы разам са старшынём партыі «Справядлівы сьвет» Сяргеем Калякіным. Палітыкі накіроўваліся ў Літву.
У сакавіку, гаворачы пра спіс невыязных, Аляксандар Лукашэнка заявіў: «А мы зрабілі. І то мы яго яшчэ не ўвялі. На поўную моц яшчэ не ўвялі. Але ўвядзём».
Пасля гэтага за мяжу ў розны час не змаглі выехаць два дзясяткі палітыкаў, грамадскіх дзеячаў і журналістаў, якія не абслугоўваюць кіруючы рэжым.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары