Затрымалі юнакоў, якія ўшаноўвалі памяць паўстанцаў 1863 года ў Свіслачы
У Свіслачы (Гродзенская вобласць) сёння былі затрыманыя чатыры ўдзельнікі традыцыйнай акцыі ўшанавання памяці братоў Віктара і Кастуся Каліноўскіх.
Першыя два затрыманні адбыліся каля помніка Рамуальду Траўгуту — герою 1863 г.
Затым удзельнікі акцыі скіраваліся ў вёску Якушоўка (маёнтак Каліноўскіх), дзе адбылася імша ў гонар братоў Каліноўскіх. На зваротным шляху ўдзельнікам, а іх сабралася больш за 30 чалавек, дарогу перагарадзілі машыны супрацоўнікаў ДАІ і міліцыі.
Былі затрыманыя студэнт Алесь Крот, Станіслава Гусакова з Віцебска, сябар Руху за Свабоду і Партыі БНФ Вітаўт Ашурак і яшчэ адна асоба. Яны знаходзяцца ў мясцовым РАУС.Пра гэта паведаміў НН відавочца.
Міліцыя зазначае, што яны могуць быць звінавачаныя ў арганізацыі несанкцыянавай акцыі.
Траіх затрыманых, у тым ліку Алеся Крата, пакінулі ў пастарунку да суда, які пройдзе ў панядзелак.
На іх складзеныя пратаколы аб адмін. правапарушэнні 23.34 — удзел у несанкцыянаваным масавым мерапрыемстве.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары