Прэзыдэнцкая кампанія абрастае чуткамі. Меркаваньне, што выбары адбудуцца раней за заплянаваны тэрмін, камэнтуе кіраўнік перадвыбарчага штабу Аляксандра Мілінкевіча Сяргей Калякін.
Прэзыдэнцкая кампанія абрастае чуткамі. Меркаваньне, што выбары адбудуцца раней за заплянаваны тэрмін, камэнтуе кіраўнік перадвыбарчага штабу Аляксандра Мілінкевіча Сяргей Калякін.
«Наша Ніва»: У каляпалітычных колах ходзяць чуткі, нібыта прэзыдэнцкія выбары адбудуцца ня ў ліпені, а ў сакавіку...
Сяргей Калякін: У вас няправільная інфармацыя. Мы маем іншую інфармацыю. Выбараў у сакавіку ня будзе, дату аб’явяць 20 сакавіка.
«НН»: Але сакратар Цэнтравыбаркаму Мікалай Лазавік заявіў журналістам пра гатоўнасьць да розных тэрмінаў.
СК: Улады на такое ня пойдуць. Бо мусяць быць зробленыя яшчэ шмат якія рэчы, якія сёньняшняй уладай ня зробленыя. І рабіць гэта ёй пакуль ня выгадна. Сп.Лазавік проста тэарэтычна падтрымаў «вутку», запушчаную, каб дэмаралізаваць дэмакратычныя сілы. Маўляў, выбары — ужо заўтра, а апазыцыя непадрыхтаваная. Але мы гатовыя і да такога сцэнару, хоць, можа, і ў меншай кандыцыі. Перанос выбараў на ранейшы тэрмін будзе сьведчыць пра слабасьць рэжыму, што ён пачаў торгацца і дзейнічаць нелягічна. І пра страх ад таго, што дэмакратычныя сілы набіраюцца моцы, расьце рэйтынг адзінага прэтэндэнта.
Каментары