Новыя кнігі, дасланыя ў рэдакцыю
Э.Дубянецкі. Сусьветная культура: Ад старажытнасьці да нашых дзён. Папулярны энцыкляпэдычны даведнік. – Менск: Беларуская энцыкляпэдыя, 2001. – 240 с.: іл. – Наклад 3000 ас. ISBN 985-11-0212-1
Аўтар дае характарыстыку гістарычна-культурнага разьвіцьця чалавецтва ад першабытнага грамадзтва й першых цывілізацыяў да Найноўшага часу. Выданьне багата ілюстраванае. Каштуе 2,3 т. р. у выдавецтве (вул. Акадэмічная, 15 а) і пад 3 т. р. у іншых кнігарнях.
В.Шалькевич. Скорина и Скориниана. – Менск: Выд-ва часопісу “Право и экономика”, 2001. – 120 с. – Наклад 100 ас. ISBN 985-442-056-0
Аўтар прэтэндуе на падсумаваньне больш як 200-гадовых дасьледзінаў розных бакоў жыцьця й творчасьці Скарыны. Кнігу можна набыць у Доме кнігі “Веды” (вул.К.Маркса, 36). Кошт 2,6 т.р.
Спадчына. № 1–2, 2001. – Менск, 2001. – 224 с. – Наклад 1938 ас. ISSN 0236-1019
Найцікавейшыя матэрыялы: У.Ляхоўскі “Пачатак стварэньня беларускае нацыянальнае школы”, Д.Дук “Полацкая кафля й вера палачанаў”, Ю.Кур’яновіч “Аповеды старасьвецкае Лошыцы”, М.Мацельскі “Барысаў – горад развадных мастоў” ды інш. Каштуе часопіс 950 р. Наступныя нумары за 2001 г., мабыць, таксама выйдуць здвоеныя.
Янка Купала. Адвечная песьня: Вершы й паэмы / Для стар. школьн. веку; Укл. А.Роліч, Прадм. У.Гніламёдава. – Менск: Мастацкая літаратура, 2001. – 351 с. – (Школьная бібліятэка). – Наклад 37219 ас. ISBN 985-020502-4
Усе тэксты друкуюцца з Поўнага збору твораў.
Я.Брыль. Сьцежкі, дарогі, прастор: Лірычныя замалёўкі / Для стар. школьн. веку; Маст. Ю.Цярэшчанка. – Менск: Юнацтва, 2001. – 238 с.: іл. – Наклад 2000 ас. ISBN 985-05-0380-7
Замалёўкі клясыка, расьцярушаныя па розных выданьнях, цяпер сабраныя ў адной кнізе, што каштуе 2,4 т. р.
Падрыхтаваў Віктар Мухін
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары