Aŭto33

U Biełarusi ŭsio bolš mašyn u prodažy. Staryja karčy jašče składaniej pradać?

Na hetym fonie prodažy novych aŭto i impart praciahvajuć raści.

Ilustracyjny zdymak. Fota: «Naša Niva»

Mašyn u prodažy ŭsio bolš

Pa stanie na siaredzinu listapada na najbujniejšaj aŭtaplacoŭcy ŭ Biełarusi — av.by — raźmieščana bolš za 105 tysiač abjaŭ ab prodažy mašyn. 

Pry hetym jašče hod tamu ich było kala 92 tysiač, a ŭ listapadzie 2024‑ha — 77 tysiač. U listapadzie 2023‑ha ŭ prodažy było kala 70 tysiač aŭto.

Skrynšoty z sajta av.by za listapad 2026 i 2025 hoda.

Padobnaja situacyja i na «Kufry». Tam ciapier 56 600 aktyŭnych abjavaŭ pa prodažy aŭto. Letaś, u listapadzie 2025-ha, ich było kala 33 tysiač.

Rost kolkaści mašyn u prodažy adbyvajecca na fonie rostu prodažaŭ novych aŭto. U pryvatnaści, ciaham apošnich troch miesiacaŭ u Biełarusi kuplali kala 10 tysiač novych aŭto štomiesiac. Ahułam za dziesiać miesiacaŭ u krainie pradali kala 75 tysiač novych mašyn.

Impart patrymanych aŭto taksama vyras. Ahułam za dziesiać miesiacaŭ hetaha hoda ŭ krainu ŭžo ŭvieźli bolš mašyn, čym za ŭvieś 2025 hod, jaki taksama pakazaŭ rost u paraŭnańni z 2024-m.

Čamu tak adbyvajecca?

Jość niekalki pryčyn, čamu biełarusy z kožnym hodam kuplajuć usio bolš mašyn, jak novych, tak i patrymanych.

Adna ź ich — heta rost realnych dachodaŭ nasielnictva.

Dadatkovym stymułam źjaŭlajecca ilhotnaje kredytavańnie na kuplu aŭto biełaruskaj zborki. Tamu i nie dziva, što bolš za 60% prodažaŭ novych aŭto prychodzicca na Geely/Belgee.

A z ulikam taho, što ŭ Biełarusi źbirajuć nie tolki hetyja marki, ale i ŭžo davoli papularny Dongfeng i niekatoryja inšyja madeli kitajskich marak, to dola mašyn z adznakaj «Zroblena ŭ Biełarusi» jašče bolšaja za 60%.

Što da pryhonu mašyn fizičnymi asobami (u asnoŭnym z ZŠA, Kitaja i Jeŭropy), to adnoj z pryčyn rostu źjaŭlajecca žadańnie inviestavać u aŭto, kab paśla pradać jaho ŭ plus.

Ahresiŭnaja rekłama z boku kampanij, jakija zajmajucca pryhonam aŭto, i błohieraŭ padšturchoŭvaje ŭsio bolš ludziej stanavicca mini-pierakupami, bo im abiacajuć ledź nie 40‑pracentny prybytak z aŭto.

Ilustracyjny zdymak. Fota: «Naša Niva»

Z ulikam taho, što jašče z 1 kastryčnika 2024 hoda pieraprodaž śviežapryhnanych aŭto ŭ Rasiju praź źmieny ŭ rasijskim zakanadaŭstvie niemahčymy, takija mašyny pradajucca tolki na miascovym rynku.

U Rasiju mohuć iści tolki mašyny, jakija byli ŭviezienyja ŭ Biełaruś bolš za 12 miesiacaŭ da ŭvozu ŭ Rasiju. A z ulikam abmiežavańniaŭ pa mahutnaści (ilhotny ŭtylzbor u Rasii — tolki na aŭto da 160 k. s.), bolš mahutnyja aŭto zastajucca faktyčna nieprachodnymi na Rasiju i paśla hoda ekspłuatacyi ŭ Biełarusi.

Cana i stan vyrašajuć

Praz toje, što mašyn u prodažy z kožnym miesiacam usio bolš, ad pradaŭcoŭ čaściej možna pačuć, što mašyny ŭ Biełarusi raskuplajuć drenna i pavolna. Ale śćviardžać, što rynak całkam spyniŭsia, taksama nie zusim karektna.

Adzin ź pierakupaŭ kaža, što aŭtamabili ŭ Biełarusi pradajucca narmalna — hałoŭnaje, kab stan i cana byli adekvatnymi.

Ilustracyjny zdymak. Fota: «Naša Niva»

«Prablema biełaruskaha rynku ŭ tym, što bolšaść pradaŭcoŭ nieadekvatna aceńvaje aŭto», — ličyć jon.

«Asabliva mocna heta prahladajecca ŭ siehmiencie śviežych mašyn. U nas ludzi lubiać vystavić na prodaž dvuch— ci trochhadovaje aŭto pa canie amal jak za novaje. Naturalna, što takija varyjanty visiać u prodažy miesiacami i navat hadami, bo patrymany «kitajec» mała kamu cikavy, kali cana nie vielmi mocna adroźnivajecca ad novaj», — tłumačyć surazmoŭca.

Ilustracyjny zdymak. Fota: «Naša Niva»

Taksama, pa nazirańniach pierakupa, časam doŭha pradajucca i aŭto tannaha siehmientu.

«Ludzi chočuć za 20‑hadovaha karča vyručyć dobryja hrošy. U vyniku takaja mašyna budzie viečna visieć u prodažu, a pradaviec — kazać, što heta rynak ciapier miortvy, a nie jahonaja mašyna ŭžo ničoha nie vartaja, bo patrabuje šmat układańniaŭ».

Rynak pieranasyciŭsia, bo kožny druhi — pierakup?

Ułaśnik nievialikaha aŭtakamisu adznačaje, što prodažy hetaj vosieńniu sapraŭdy słabyja.

«Niejak z kanca vieraśnia popyt prasieŭ, ale kali mašyna ŭ dobrym stanie i pa dobraj canie, to jana pradajecca. Taksama dobra iduć mašyny, prachodnyja na Rasiju. Ale ich vybar abmiežavany, bo musić i data ŭvozu być bolšaja za 12 miesiacaŭ, i ruchavik — da 160 konskich sił», — kaža biznesmien.

Što da tak zvanych inviestycyjnych mašyn, to, pa jaho nazirańniach, takich sapraŭdy niamała, bo ŭ pierakupy pačynajuć leźci ŭsie, chto maje volnyja hrošy i choča padzarabić.

«Asabliva lubiać pryhaniać na prodaž mašyny z ZŠA i Kitaja. U kahości sapraŭdy atrymlivajecca vyhadna pryhnać, a inšyja navat svaje hrošy viarnuć nie mohuć, bo praz adsutnaść dośviedu kuplajuć nie vielmi dobryja aŭto», — tłumačyć śpiecyjalist.

Ilustracyjny zdymak. Fota: «Naša Niva»

Cikavaść da prodažu aŭto praz kamisijonki jon tłumačyć tym, što jany prapanujuć lizinh i kredyt.

«Bolšaja častka mašyn pradajecca z pryciahnieńniem finansavańnia, plus niekatoryja pierahonščyki banalna nie chočuć adśviečvacca, kab paśla nie mieć prablem z padatkovaj, tamu staviać mašynu na placoŭku», — kaža ŭłaśnik kamisu, dzie bolšaść aŭto — śviežapryviezienyja ź Jeŭropy i ZŠA.

Pry hetym surazmoŭca adznačaje, što samich kamisijonak stanovicca ŭsio bolš i ŭsie jany znachodziać aŭto dla prodažu, što, na jaho dumku, taksama ŭkazvaje na toje, što rynak stanovicca pieranasyčanym.

Kamientary3

  • avtolubitiel
    15.11.2026
    łučšie avtokorč, čiem kitajec.
  • Piton
    15.11.2026
    rost riealnych dochodov? vy eto sieŕjezno? kak sčitali choť?
  • Otiec Zasandalij
    15.11.2026
    Niekotoryje starički mohut dať foru novičkam v sootnošienii potriebitielskoho obsłuživanija.

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić21

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Usie naviny →
Usie naviny

«Kupałaŭcy» prezientavali svaju viersiju «Adysiei» — tam mifałahičnyja vyprabavańni suisnujuć sa štodzionnymi ciažkaściami biełarusaŭ1

Si Dzińpin zaklikaŭ całkam zabaranić i źniščyć jadziernuju zbroju18

«Boža, barani nas ad takich siabroŭ». Tusk adreahavaŭ na sustreču Trampa z Pucinym1

«Heta nie pra naš mientalitet». Łukašenka zajaviŭ, što sudździ nie mohuć adharadzicca ad naroda ścianoj zakona3

Jak unučka Łukašenki z mužam i synam adpačyli ŭ Dubai10

Tramp, Pucin i Si pačali trochbakovuju sustreču ŭ Šeńdženi

U Pieciarburhu biełaruska ciažka paraniła nažom sužyciela. Jaje chacieli pasadzić na try hady, ale abyšłosia5

Stendap-komik Ełdos Ałmazaŭ pamior va ŭzroście 29 hadoŭ

U Brazilii ludzi ź izalavanaj hrupy vyjšli ź lesu i paprasili ježy. Heta tryvožny znak VIDEA8

bolš čytanych navin
bolš łajkanych navin

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić21

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Hałoŭnaje
Usie naviny →

Zaŭvaha:

 

 

 

 

Zakryć Paviedamić