23‑hadovy žychar Lepiela staŭ achviaraj machlaroŭ i straciŭ bolš za 75 tysiač rubloŭ. Dla hetaha złamyśniki vykarystali schiemu z paviedamleńniem nibyta ad mabilnaha apieratara, paśla čaho prymusili maładoha čałavieka addać ułasnyja aščadžeńni, uziać kredyt i zabrać hrošy ŭ baćkoŭ, piša pres-słužba MUS.
Jak paviedamili ŭ HUUS Minska, spačatku chłopiec atrymaŭ SMS z prośbaj abnavić asabistyja źviestki dla padaŭžeńnia damovy na mabilnuju suviaź. Nieŭzabavie jamu patelefanavali ludzi, jakija pradstavilisia supracoŭnikami apieratara, i prapanavali vyrašyć pytańnie pa telefonie. Dla hetaha jany paprasili nazvać kod z SMS.
Paźniej ź im źviazalisia praz Viber. Nieviadomyja zajavili, što asabistyja źviestki maładoha čałavieka trapili da machlaroŭ, jakija nibyta ździajśniajuć złačynstvy ad jaho imia. Jaho napałochali mahčymaj kryminalnaj adkaznaściu i pierakanali terminova «zadekłaravać» usie źbieražeńni.
Chłopiec sabraŭ najaŭnyja hrošy, źniaŭ srodki z rachunku i pajechaŭ u Minsk, dzie pakinuŭ ich u nazvanym machlarami miescy. Adnak na hetym patrabavańni nie skončylisia: jaho prymusili aformić kredyt i zabrać nazapašanyja hrošy baćkoŭ. Ich jon taksama advioz u stalicu i pieradaŭ złamyśnikam.
Paśla hetaha machlary pačali pieravodzić na jaho bankaŭskuju kartku hrošy, atrymanyja złačynnym šlacham. Pavodle ich ukazańniaŭ, małady čałaviek zdymaŭ najaŭnyja ŭ bankamatach i razvoziŭ ich pa roznych adrasach Minska, pakidajučy skrutki kala prypynkaŭ hramadskaha transpartu.
Zapadozryŭ padman jon tolki tady, kali złamyśniki zapatrabavali zdać siamiejnyja załatyja ŭpryhažeńni ŭ łambard. U vyniku žychar Lepiela pieradaŭ im bolš za 75 tysiač rubloŭ u ekvivalencie.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi48
Kamientary