Prezident ZŠA Donald Tramp zajaviŭ, što ničoha nie viedaje pra novyja abmiežavańni ŭ pracy sistem spadarožnikavaj suviazi Starlink i Starshield va Ukrainie.

Adkazvajučy na pytańnie žurnalista, čamu praca sistemy znoŭ abmiežavanaja, prezident ZŠA skazaŭ, što nie čuŭ pra heta i nie viedaje, ci sapraŭdy takija abmiežavańni ŭviedzienyja.
«Ja nie viedaju, ci tak heta. Ja pra heta nie čuŭ», — zajaviŭ Tramp.
Raniej u kampanii SpaceX patłumačyli abmiežavańnie chutkaści pracy Starshield va Ukrainie «techničnymi niepaładkami», ale nie ŭdakładnili, što mienavita adbyłosia.
12 listapada prezident Ukrainy Uładzimir Zialenski paviedamiŭ pra abmiežavańnie chutkaści Starshield na akupavanych terytoryjach krainy. U SpaceX, adnak, admaŭlajuć, što na hetym tydni ŭvodzili jakija-niebudź abmiežavańni dostupu Ukrainy da svaich sistem.
Tym časam sienatary-demakraty nakiravali Iłanu Masku list z patrabavańniem zachavać usie dakumienty i zapisy, źviazanyja z abmiežavańniami ŭ pracy Starlink i Starshield va Ukrainie ŭ pieryjad z 13 da 24 kastryčnika, a taksama 12 listapada.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary