Z Kastryčnickaj u Minsku źnik partret Karatkieviča. Aŭtar patłumačyŭ, čamu zamianiŭ jaho
Zamiest uśmiešlivaha Uładzimira Karatkieviča z sabakam na ścianie doma ŭ Minsku ciapier malunak pad mazaiku. Źmiena zasmuciła častku minakoŭ. U kamientary pryjšoŭ sam mastak.
Źniknieńnie partreta na Kastryčnickaj, 23, zaŭvažyli ŭ Threads. Karystalnica kapystka_ apublikavała fotazdymki z pytańniem: «Ja niešta nie razumieju, a kali heta adbyłosia?»
«Miesca, kala jakoha ja zaŭsiody spyniałasia», — napisała adna z kamientatarak.
«Mazaika cudoŭnaja, ale ž joj možna było znajści inšaje miesca. Navošta prybirać Karatkieviča?» — spytała inšaja.
U abmierkavańni napisaŭ aŭtar partreta — mastak ź Lidy Jaŭhien Maciuta, jaki pracuje pad psieŭdanimam Koviek.
«11 hadoŭ tamu nazad ja namalavaŭ hetaha Karatkieviča, da jaho byli i druhija malunki. Pryjšoŭ čas stvaryć novaje, voś ja heta i zrabiŭ, novy malunak pad mazaiku», — patłumačyŭ jon.
Mastak prapanavaŭ pahladzieć i na inšyja vokny hetaha budynka: vyjavy ŭ ich taksama źmianiajucca i abnaŭlajucca.
Partret Karatkieviča na hetym miescy ŭžo mianiali. Spačatku piśmieńnik byŭ z dvuma maleńkimi kacianiatami na rukach. Hetaja vyjava ŭpryhožvała ścianu kala piaci hadoŭ.
U 2020‑m zamiest jaje źjaviŭsia novy partret — uśmiešlivy Karatkievič z sabakam.
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ55
Kamientary