Źjavilisia spadarožnikavyja zdymki paškodžańniaŭ Krymskaha mosta paśla ŭkrainskaj ataki
Na spadarožnikavych zdymkach paśla ranišniaj ataki — dva paškodžanyja ŭčastki aŭtamabilnaj darohi i defarmavanaja arka. Rasijskija ŭłady pryznali paškodžańni, ale ich maštab nie raskryvajuć.

Na apublikavanych vyjavach zaŭvažnyja paškodžanyja ŭčastki darohi kala aračnaha pralota i elemienty samoj arki. Darožnaje pałatno paškodžanaje ŭ dvuch miescach, a arka defarmavanaja.
Telehram-kanał «Krymskij vietier» paviedamlaŭ, što paśla ŭdaru arka aŭtamabilnaha mosta źmianiła nachił. U siecivie źjavilisia fota z zaŭvažnym nachiłam arki.

Rasijski vice-premjer Marat Chusnulin zajaviŭ, što śpiecyjalisty aceńvajuć stan pierapravy.
«Pravodzim acenku paškodžańniaŭ Krymskaha mosta. Najbližejšym časam budziem razumieć terminy poŭnaha adnaŭleńnia. Dośvied i ŭsie nieabchodnyja resursy dla vyrašeńnia hetaj zadačy ŭ nas jość», — skazaŭ jon.
Pres-sakratar Pucina Dźmitryj Piaskoŭ nazvaŭ paškodžańni «niaznačnymi».
Pra ŭdar pa moście rasijskija ŭłady paviedamili ranicaj 16 listapada. Aŭtamabilny ruch pierakryli.
Pavodle Mintransa Rasii, ciapier na aŭtamabilnaj častcy iduć adnaŭlenčyja raboty. Čyhunačnaje złučeńnie, jak śćviardžaje viedamstva, pracuje ŭ štatnym režymie.
Ukraina aficyjna ŭdar nie kamientavała.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary