U Padmaskoŭi znajšli 741 tysiaču pačkaŭ cyharet ź Biełarusi. Pieravozčyki źmieščanyja ŭ SIZA
Košt cyharet aceńvajecca prykładna ŭ čatyry miljony biełaruskich rubloŭ.

U Padmaskoŭi vyjavili bujnuju partyju niemarkiravanych cyharet, jakija pryvieźli ź Biełarusi. Usiaho mytniki kanfiskavali bolš za 741 tysiaču pačkaŭ. Ich košt acanili ŭ 113 miljonaŭ rasijskich rubloŭ (heta prykładna čatyry miljony biełaruskich rubloŭ), paviedamlaje Prajm-TASS
Cyharety vyjavili na adnoj ź placovak u Padmaskoŭi. Padčas pierahruzki tavaru zatrymali hramadzian Biełarusi. Pavodle źviestak Fiederalnaj mytnaj słužby Rasii, na dopycie jany patłumačyli, što viedali pra patrabavańni rasijskaha zakanadaŭstva da abarotu tytuniovaj pradukcyi i źbiralisia pradavać cyharety na terytoryi Rasii.
Raspačataja kryminalnaja sprava pavodle č. 3 art. 226.1 KK RF (kantrabanda stratehična važnych tavaraŭ u bujnym pamiery, učynienaja arhanizavanaj hrupaj).
Mužčynam pahražaje da 12 hadoŭ pazbaŭleńnia voli.
Zatrymanyja znachodziacca ŭ śledčym izalatary. Rasśledavańnie praciahvajecca.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary