Biełarus znajšoŭ padpracoŭku ŭ internecie — kupić tavar u kramie i pryvieźci jaho ŭ Polšču
Zarabiŭ kryminalnuju spravu.

Polskija mytniki ŭ punkcie propusku Tarespal znajšli ŭ aŭtamabili biełarusa bolš za siem kiłahramaŭ tytuniu. Vyśvietliłasia, što jon vykonvaŭ zakaz nieznajomca ź internetu, a ŭ Polščy źbiraŭsia adpravić pasyłku praz paštamat, piša Most.
Mytniki vyrašyli nakiravać lehkavy aŭtamabil mužčyny na detalovy ahlad. Padčas pravierki ŭ padłozie mašyny jany vyjavili 7,2 kiłahrama tytuniu dla kaljana.
Kiroŭca patłumačyŭ, što adhuknuŭsia na abjavu ŭ miesiendžary, u jakoj prapanoŭvali pieravieźci tytuń ź Biełarusi ŭ ES za ŭznaharodžańnie. Mužčyna samastojna nabyŭ tavar u kramie ŭ Breście, paśla čaho vypraviŭsia ŭ Polšču.
Paśla prybyćcia jon pavinien byŭ adpravić pasyłku z tytuniom praz paštamat, skarystaŭšysia atrymanym kodam adpraŭki. Jak patłumačyŭ mužčyna, jon nie viedaŭ ni atrymalnika, ni kančatkovaha punkta pryznačeńnia pasyłki. Apłatu za kantrabandu jon taksama pavinien byŭ atrymać praz paštamat.
U dačynieńni da biełarusa raspačali kryminalnuju spravu, a niezakonna ŭviezieny tytuń kanfiskavali ŭ jakaści dokazu.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary