Hramadstva11

Va Ukrainie pačali razhlad spravy Iny Kardaš

Piačorski rajonny sud Kijeva pačaŭ razhlad kryminalnaj spravy suprać hramadzianki Biełarusi, žurnalistki Iny Kardaš, jakuju abvinavačvajuć u špijanažy na karyść biełaruskaha Kamiteta dziaržaŭnaj biaśpieki. Sud pryznaŭ abvinavaŭčy akt adpaviednym patrabavańniam Kryminalnaha pracesualnaha kodeksa Ukrainy i pryznačyŭ spravu da razhladu, paviedamlaje «Radyjo Svaboda».

Ina Kardaš. Fota: Lookby.Media

Jak stała viadoma, adpaviednaje rašeńnie sudździa Aleh Sałaŭjoŭ pryniaŭ 6 kastryčnika na pasiadžeńni, jakoje nie było paznačana ŭ sudovym raskładzie i prachodziła biez žurnalistaŭ. Na hetym etapie sudździa moh vyzvalić Kardaš z-pad varty i zakryć spravu, adnak nie zrabiŭ hetaha. Prakuror zajaviŭ, što padstaŭ dla zaklučeńnia pahadnieńnia sa śledstvam i spynieńnia kryminalnaha pieraśledu niama.

Pry razhladzie pytańnia ab dalejšym utrymańni žurnalistki ŭ śledčym izalatary sud uličyŭ ryzyki, na jakija spasyłałasia abvinavačańnie. Siarod ich — mahčymaść raspaŭsiudu tendencyjnaj abo niepraŭdzivaj infarmacyi pra spravu, jakaja mahła b paŭpłyvać na hramadskuju dumku i abjektyŭnaść sudovaha pracesu, a taksama razhałošvańnie materyjałaŭ dasudovaha rasśledavańnia i sudovaha viadzieńnia.

Akramia taho, abvinavačańnie śćviardžała, što Kardaš moža infarmacyjna ŭździejničać na śviedkaŭ, ekśpiertaŭ i inšych udzielnikaŭ pracesu, publična dyskredytavać ich i akazvać na ich cisk. Jašče adna z nazvanych ryzyk — adnaŭleńnie kantaktaŭ z dvuma inšymi hramadzianami Biełarusi i pradstaŭnikami biełaruskich śpiecsłužbaŭ dla ŭzhadnieńnia sumiesnych dziejańniaŭ, nakiravanych na ŭchileńnie ad kryminalnaj adkaznaści, a taksama pieradačy im infarmacyi, atrymanaj padčas aznajamleńnia z materyjałami spravy.

Takim čynam, Ina Kardaš zastaniecca pad vartaj jak minimum da 4 śniežnia. Nastupnaje sudovaje pasiadžeńnie pryznačanaje na 1 śniežnia. Pakul nieviadoma, u jakim składzie sud budzie razhladać spravu pa sutnaści. Pavodle ŭkrainskaha zakanadaŭstva, abvinavačanaja moža patrabavać, kab jaje spravu razhladała kalehija z troch sudździaŭ.

Kardaš abvinavačvajuć pavodle častki pieršaj artykuła 114 Kryminalnaha kodeksa Ukrainy — u pieradačy abo zbory dla pieradačy inšaj dziaržavie, zamiežnaj arhanizacyi ci ich pradstaŭnikam źviestak, jakija składajuć dziaržaŭnuju tajamnicu. Za hetaje złačynstva praduhledžanaje pakarańnie ŭ vyhladzie pazbaŭleńnia voli na termin ad 10 da 15 hadoŭ z kanfiskacyjaj majomaści abo bieź jaje.

Inu Kardaš zatrymali 21 studzienia 2026 hoda i vystavili padazreńnie ŭ špijanažy na karyść biełaruskaha KDB. Na momant zatrymańnia jana ŭžo pracavała ŭ Kaardynacyjnym štabie pa pytańniach abychodžańnia z vajennapałonnymi Hałoŭnaha ŭpraŭleńnia raźviedki Ministerstva abarony Ukrainy.

Pavodle śledstva, žurnalistka padtrymlivała kantakt ź biełaruskim KDB praz hramadzianina Biełarusi, jaki, jak śćviardžajecca, śviadoma supracoŭničaŭ ź biełaruskimi śpiecsłužbami i dapamahaŭ naładžvać suviaź.

20 krasavika stała viadoma, što sud aryštavaŭ kvateru Kardaš dla zabieśpiačeńnia viadzieńnia kryminalnaj spravy. Rasśledavańnie pavinna było zaviaršycca 20 červienia.

U pačatku maja kiraŭnik sakrataryjata Kaardynacyjnaha štaba pa pytańniach abychodžańnia z vajennapałonnymi Bahdan Achrymienka paviedamiŭ, što Minsk źviartaŭsia da Kijeva nakont mahčymaści abmienu Iny Kardaš. Pavodle jaho słoŭ, taki sihnał sapraŭdy pastupaŭ, adnak kankretnych prapanoŭ pakul nie było. Achrymienka zajaviŭ, što ŭkrainski bok hatovy razhladać praktyčnyja prapanovy, kali jany źjaviacca. Jon taksama adznačyŭ, što Ukraina nie zacikaŭlenaja ŭ tym, kab utrymlivać zamiežnych złačyncaŭ i vydatkoŭvać na ich biudžetnyja srodki, pakul ukrainskija hramadzianie, niezakonna asudžanyja ŭ inšych krainach, znachodziacca ŭ źniavoleńni ŭ niečałaviečych umovach.

Kamientary1

  • Vład
    16.11.2026
    Obmieniajut. Tak čto śmieło možno špioniť.

Ciapier čytajuć

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny16

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny

Usie naviny →
Usie naviny

Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał27

U Minsku adkryli novuju dyśpietčarskuju stancyju zamiest źniesienaj savieckaj. Ale budynka tam niama — tolki bytoŭka i bijatualet1

U Biełarusi za apošnija hady likvidavali 40 pravasłaŭnych prychodaŭ5

Ukrainskija drony nie mohuć dahnać reaktyŭnyja «Šachiedy». U SpaceX kažuć pra techničny zboj3

«A jak ty vykupiŭ adrazu akcent?» Repier Basta pa hołasie paznaŭ muzykanta z Čavusaŭ i raskazaŭ pra svajo dziacinstva ŭ zakrytym haradku pad Dziatłavam8

Amal 400‑mietrovy puciepravod pamiž Kamiennaj Horkaj i Lebiadzinym abiacajuć adkryć da kanca hoda2

Na Kanary za sutki prybyli amal paŭtary tysiačy mihrantaŭ5

Karupcyjny skandał u Vienhryi: ministr Orbana zakapaŭ u lesie 17 miljonaŭ jeŭra7

«Łukašenka viedaje, što zadumvaje Pucin, i vielmi hetaha baicca». Čały pra pahrozu novaj vajny43

bolš čytanych navin
bolš łajkanych navin

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny16

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny

Hałoŭnaje
Usie naviny →

Zaŭvaha:

 

 

 

 

Zakryć Paviedamić