U Biełaviežskaj puščy znajšli limonna-žoŭty hryb, jaki raście na miortvych drevach
U Biełaviežskaj puščy vyjavili try novyja miescy, dzie raście adzin z samych redkich hryboŭ Jeŭropy — antradyjeła limonna-žoŭtaja (Antrodiella citrinella). Hety niezvyčajny hryb znachodzicca pad pahrozaj źniknieńnia i ŭniesieny ŭ Mižnarodnuju Čyrvonuju knihu, piša Smartpress.by.

Antradyjełu lohka nie zaŭvažyć na starym drevie, bo jaje pamier składaje ŭsiaho ad 1 da 7 santymietraŭ. Hryb vyłučajecca jarkim limonna-žoŭtym koleram sa śvietłaj ablamoŭkaj pa krajach.
Časam antradyjeła vyhladaje jak žoŭtaja skarynka na draŭninie, a časam utvaraje nievialikija kapialušyki. Ź nižniaha boku ŭ ich šmat drabniutkich poraŭ.
Hety hryb vielmi patrabavalny da ŭmoŭ pražyvańnia. Jamu patrebnyja staryja lasy, dzie šmat pavalenych i hniłych dreŭ. Čaściej za ŭsio antradyjeła raście na miortvaj draŭninie ihličnych parod. Pryčym vybiraje nie luby stvoł, a toj, na jakim užo pasialiŭsia inšy hryb — trutavik ablamavany.
Takija ŭmovy sustrakajucca ŭsio radziej, patłumačyli navukoŭcy. Kali staryja drevy vysiakajuć, a pavalenyja stvały prybirajuć ź lesu, antradyjeła hublaje prydatnaje miesca dla žyćcia.
U mižnarodnym Čyrvonym śpisie hety vid maje status EN. Heta aznačaje vielmi vysokuju ryzyku źniknieńnia ŭ dzikaj pryrodzie.
Antradyjeła dapamahaje navukoŭcam vyznačać, nakolki dobra zachavaŭsia naturalny les. Kali hryb tut raście, heta śviedčyć pra toje, što na hetym učastku jość staryja drevy, miortvaja draŭnina i spryjalnyja ŭmovy dla redkich vidaŭ.

Vyjaŭleńnie adrazu troch novych miescaŭ rostu śpiecyjalisty nacyjanalnaha parku ličać paćviardžeńniem taho, što ŭ Biełaviežskaj puščy zachavalisia takija lasnyja ŭčastki.
Kab zachavać adzin redki hryb, niedastatkova prosta abnieści jaho płotam.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary