Zdaroŭje

30‑hadovy błohier Maksim Puškin zrabiŭ druhuju pierasadku vałasoŭ. Kolki zapłaciŭ?

Pieršaja jaho apieracyja prajšła ŭ Turcyi ŭ 2022 hodzie, ciapier ža jon vybraŭ Rasiju. Kaža, u Maskvie ciapier adčuvalna tańniej, a daktary nie horšyja, čym u Stambule.

Maksim Puškin. Tut i dalej skrynšot videa ŭ tyktoku

Na błohiera Maksima Puškina padpisana ŭ instahramie 131 tysiača čałaviek i jašče 82 tysiačy ŭ tyktoku. Jamu ŭsiaho 30 hadoŭ, ale prablemy z vałasami ŭ maładoha mužčyny nie pieršy hod. Tamu niadaŭna jon vyrašyŭ zrabić užo druhuju apieracyju pa pierasadcy.

Pieršaja adbyłasia ŭ Stambule čatyry hady tamu. Maksim raspavioŭ, što tady Turcyja ličyłasia krainaj numar adzin dla pierasadki vałasoŭ (a na postsavieckaj prastory było mała daktaroŭ, jakija hetym zajmalisia) — tamu mienavita tudy i palacieŭ.

Vynikam pieršaj apieracyi Maksim zastaŭsia zadavoleny. Ale tady jaho chvalavali załysiny, tamu jon pierasadziŭ vałasy tolki tudy. A ź ciaham času pačała łysieć makuška — heta błohieru nie padabałasia.

Donarskija cybuliny biarucca z bakoŭ hałavy — sprava ŭ tym, što ŭ bolšaści mužčyn vałasy na makušcy i ciemieni bolš schilnyja da harmanalnaha ŭździejańnia i tamu vypadajuć čaściej. 

Ciapier Maksim vyrašyŭ zasadzić vałasami makušku. Ale hetym razam pajechaŭ u Rasiju — bo na darohu tudy treba i mienš času, i mienš hrošaj. A daktaroŭ jon ličyć nie horšymi, čym u Turcyi.

Pierad apieracyjaj pryjšłosia zdać šmat analizaŭ — ad zvyčajnaha ahulnaha analizu kryvi da analizaŭ na VIČ i sifilis, a taksama EKH.

Pryjechać u maskoŭskuju kliniku treba było za dzień da apieracyi, kab daktary pierakanalisia, što jaje možna pravodzić.

Padčas apieracyi śpiecyjalnaj mašynkaj vyśvidroŭvajuć hrafty — tak nazyvajuć mikraskapičny frahmient skury hałavy z vałasianymi falikułami — zvyčajna na adnym hrafcie byvaje 1‑5 cybulin. Tolki na zabor donarskaha materyjału spatrebiłasia 4 hadziny.

Paśla byŭ pierapynak i navat abied. Nastupnaja častka apieracyi — nadrezy skury hałavy. Treba zrabić niekalki tysiač «łunak», u jakija potym pieraniasuć cybuliny.

Krychu statystyki: u Turcyi Maksimu pierasadzili 4500 hraftaŭ, u Maskvie — 4000. 

Sama apieracyja zaniała 13 hadzin. Błohier pryznajecca, što samym składanym było lažać stolki času — usiu apieracyju čałaviek znachodzicca ŭ prytomnaści. Maksim bolšuju častku razmaŭlaŭ z daktarami dy słuchaŭ muzyku, zmoh i paspać. Ale fizična lažać tak doŭha kaža niaprosta.

Jašče adzin vyklik — son nastupny tydzień. Bo nielha dakranacca pierasadžanymi vałasami choć da čahości. Tamu prychodzicca spać, pakłaŭšy na zvyčajnuju padušku jašče i samalotnuju — u vyniku čałaviek amal što siadzić u łožku. Niazručna, ale što parobiš?

Błohier paraŭnaŭ ceny. Kaža, u Stambule ŭ 2022 hodzie zapłaciŭ za apieracyju 2800 dalaraŭ. Sioleta ŭ Maskvie pierasadka abyšłasia Puškinu ŭ 2300 dalaraŭ.

Maksimalny efiekt ad pierasadki Maksim pabačyć tolki praz 18 miesiacaŭ. 

Kamientary

Ciapier čytajuć

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny22

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny

Usie naviny →
Usie naviny

Serca — amal adziny orhan, jaki nie chvareje na rak. Navukoŭcy pačynajuć razumieć čamu1

Arhazm jość, a śpiermy niama. Što takoje retrahradnaja ejakulacyja i čym jana niebiaśpiečnaja11

Zialenski zajaviŭ, što Ukraina spyniła bolš za pałovu rasijskaj naftapierapracoŭki7

Litva zaklikała pryznać HRU terarystyčnaj arhanizacyjaj9

Zbornaja Biełarusi pa futbole prajhrała Ałbanii ŭ vyrašalnym matčy Lihi nacyj14

Lehiendarny teleskop «Chabł» padaje na Ziamlu. NASA terminova šukaje tych, chto jaho vyratuje abo zatopić16

«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj30

Zbornaja Biełarusi prajhrała zaklučny važny matč u Lizie nacyj5

«Spadziajusia, ty pamreš i pazbaviš nas ad pakut». Paśla adstaŭki kiraŭnika Nvidia padnačalenyja raskazali pra jahonyja isteryki13

bolš čytanych navin
bolš łajkanych navin

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny22

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny

Hałoŭnaje
Usie naviny →

Zaŭvaha:

 

 

 

 

Zakryć Paviedamić