Źnikłaha rasijskaha Z-vajenkara Ramanava mahli abvinavacić u dziaržzdradzie
Rasijski Z-vajenkar Uładzimir Ramanaŭ, aŭtar papularnaha telehram-kanała «Romanov Łajt», moh stać fihurantam spravy ab dziaržaŭnaj zdradzie paśla publikacyi pra evakuacyju žycharoŭ horada Aleški ŭ Chiersonskaj vobłaści. Pra heta paviedamlajuć Z-kanały, zaŭvažyła vydańnie The Moscow Times.

Vajenkar Ramanaŭ 30 kastryčnika napisaŭ, što žychary Alešak, jakich evakujavali, u asnoŭnym addali pieravahu varyjantu vyjezdu va Ukrainu, a nie ŭ Rasiju. Paśla publikacyi pra heta 40‑hadovy Ramanaŭ źnik i pierastaŭ abnaŭlać svoj kanał. Apošni dopis u im źjaviŭsia 31 kastryčnika.
Telehram-kanał «Svodki opołčienija Novorośsii» śćviardžaje, što Ramanava nie mohuć naviedvać advakaty. Pavodle jaho aŭtaraŭ, sprava źviazanaja ź dziaržaŭnaj zdradaj, a mahčymaść atrymać abaronu ŭ zatrymanaha źjavicca tolki praź niekalki miesiacaŭ paśla aryštu.
Kanał Alex Parker Returns jašče 5 listapada paviedamiŭ pra aryšt błohiera. Śćviardžajecca, što jamu staviać u vinu dziaržaŭnuju zdradu, špijanaž na karyść Ukrainy i ŭdzieł u prapahandysckich mierapryjemstvach pad kiraŭnictvam ukrainskich śpiecsłužbaŭ.
Aŭtary Alex Parker Returns ličać, što heta moža być pačatkam pieraśledu pradstaŭnikoŭ Z-supolnaści, jakija dazvalajuć sabie krytykavać uładu. Jany śćviardžajuć, što rychtujucca jašče niekalki pakazalnych raspraŭ. U jakaści prykładaŭ zhadvajucca śmierć repiera Mišy Mavašy i sprava ŭkrainskaj advakatki Taćciany Mancian. Jana padtrymała rasijskuju anieksiju Kryma i vystupała za adździaleńnie tak zvanych «DNR» i «ŁNR», a paśla pierajezdu ŭ Rasiju sioleta atrymała paŭtara hoda kałonii-pasialeńnia za vykazvańni padčas strymu.
30 kastryčnika Ramanaŭ napisaŭ, što va Ukrainu z evakujavanymi žycharami Alešak adpraviacca 17 aŭtobusaŭ, a ŭ Rasiju — čatyry. Prykładna praz paŭhadziny jon vydaliŭ hetyja źviestki z dopisu, ale jany zachavalisia ŭ archiŭnaj viersii. U paviedamleńni błohier taksama zaŭvažyŭ, što na rasijskim telebačańni, vierahodna, pakažuć bolš aŭtobusaŭ z rasijskaha boku, ale ich vokny buduć ščylna zaštoranyja.
Sam Ramanaŭ pieršapačatkova skieptyčna staviŭsia da humanitarnaj apieracyi ŭ Aleškach. Žycharoŭ horada jon nazyvaŭ «ždunami i pamahatymi» i zaklikaŭ «vypuskać ich u pieryjad sa śniežnia pa luty ŭpłaŭ praz Dniapro».
Raniej błohier taksama krytykavaŭ dziejańni rasijskich vajskovych padraździaleńniaŭ, u tym liku čačenskaha farmavańnia «Achmat». U mai 2025 hoda jon apublikavaŭ videa z Krymskaha mosta paśla paviedamleńnia pra ataku, a ŭ pačatku 2026‑ha — infarmacyju pra maštabnyja pieraboi ŭ pracy spadarožnikavaj suviazi Starlink na froncie.
Piaty dzień maŭčyć kanał Z-vajenkara Ramanava, jaki raskazaŭ pra kolkaść aŭtobusaŭ z Alešak u Rasiju i Ukrainu
Z-vajenkar: Va Ukrainu z Alešak vyjazdžajuć 17 aŭtobusaŭ, u Rasiju — tolki 4
Pucin prapanavaŭ pravieści novuju humanitarnuju apieracyju pavodle ŭzoru Alešak
«My viarnulisia ź piekła». Ludzi z Alešak prybyli va Ukrainu i dzielacca emocyjami
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary
Z? Nibyta jość inšyja rasijskija vajenkary?