Vajna

Udary pa rasijskich NPZ pahruzili krainu ŭ najhoršy paliŭny kryzis z časoŭ raspadu Savieckaha Sajuza

Ukrainskija ŭdary pa NPZ nie prosta vyklikali deficyt bienzinu ŭ Rasii, ale i źmianiajuć jaje rolu na suśvietnym paliŭnym rynku. Były bujny eksparcior, jak piša Financial Times, ciapier zakuplaje bienzin pa ŭsim śviecie, u tym liku vyrableny z ułasnaj nafty.

Zdymak ilustracyjny. Pažar na naftapierapracoŭčym zavodzie ŭ Ciumieni. 6 červienia 2026 hoda. Fota: HU MNS Rasii pa Ciumienskaj vobłaści

Sistematyčnyja ŭdary ŭkrainskich bieśpiłotnikaŭ pa rasijskich naftapierapracoŭčych zavodach pryviali da najciažejšaha paliŭnaha kryzisu ŭ Rasii z časoŭ raspadu SSSR.

Da pačatku ŭkrainskich atak Rasija zvyčajna vyrablała bienzinu na 10-20% bolš, čym spažyvała sama. Ciapier ža, pavodle acenki analityka rasijskaj kampanii «Finam» Siarhieja Kaŭfmana, jaho vytvorčaść na 13-18% nižejšaja, čym u pačatku 2026 hoda.

Rasija šukaje bienzin pa ŭsim śviecie

Kab spravicca z deficytam, rasijskija ŭłady pajšli na nadzvyčajnyja miery. Jany praciahnuli abmiežavańni na ekspart naftapraduktaŭ, źmiakčyli patrabavańni da jakaści bienzinu i pačali naroščvać zakupki za miažoj.

Marski impart bienzinu Rasija naładziła ŭ lipieni. Pry hetym tankiery stali nakiroŭvać u party na Bałtyjskim i Biełym morach, kab paźbiehnuć ukrainskich bieśpiłotnikaŭ u Čornym mory. Paliva zakuplajuć u Maroka, Turcyi, Indyi i Jehipcie.

Da kastryčnika, zhodna sa źviestkami analityčnaj kampanii Kpler, marskija pastaŭki dasiahnuli rekordnych 390 tysiač ton za miesiac.

Nie mienš važnaj krynicaj paliva dla Rasii stała Biełaruś. Pavodle acenak daśledčaha centra BEROC, užo ŭ lipieni pastaŭki biełaruskaha bienzinu na rasijski rynak dasiahnuli rekordnaha ŭzroŭniu. Z taho času Rasija zakupiła ŭ Biełarusi bolš za 600 tysiač ton bienzinu.

Kab zabiaśpiečyć taki popyt, Minsk pieranakiravaŭ častku pastavak ź inšych ekspartnych rynkaŭ, a biełaruskija naftapierapracoŭčyja zavody pačali pracavać amal na poŭnuju mahutnaść.

Pry hetym biełaruskija NPZ pierapracoŭvajuć pieravažna rasijskuju naftu. Anałahičnaja situacyja ź indyjskim zavodam u Vadynary, jaki zabiaśpiečvaje ŭsie pastaŭki indyjskaha bienzinu ŭ Rasiju. Takim čynam, Rasija vymušana zakuplać za miažoj paliva, vyrablenaje ŭ tym liku ź jaje ŭłasnaj nafty.

Da pastavak dałučyŭsia i Kazachstan, jaki, pavodle ministra enierhietyki krainy Jerłana Akkienžanava, ź leta adpraviŭ u Rasiju kala 8 tysiač ton bienzinu.

Maštab zakupak i šyrokaja hieahrafija pastaŭščykoŭ śviedčać, što impart pastupova pierastaje być dla Maskvy časovym rašeńniem.

«Rasija pastupova źmianiaje svajo miesca na suśvietnym rynku naftapraduktaŭ, pieratvarajučysia z bujnoha eksparciora paliva va ŭsio bolš značnaha imparciora. Heta nadzvyčaj rezkaja źmiena», — adznačaje analityk Kpler Sumit Rytolija.

Pavodle jaho, zamiežnyja pastaŭki ciapier patrebnyja nie tolki dla likvidacyi asobnych rehijanalnych deficytaŭ, ale i dla padtrymańnia bałansu na ŭnutranym rynku, pakul rasijskija NPZ praciahvajuć ciarpieć ad udaraŭ.

Kryzis moža pahłybicca

Dziakujučy ekstrannym mieram situacyju pakul udałosia adnosna stabilizavać. Abmiežavańni na prodaž bienzinu zachoŭvajucca pieravažna na zapraŭkach «Rasnafty», na jakija prypadaje kala 10% usich AZS krainy.

Adnak ułady pa-raniejšamu zaniepakojenyja zabieśpiačeńniem palivam. Vice-premjer Alaksandr Novak nazvaŭ pryjarytetam jak maha chutčejšaje adnaŭleńnie paškodžanych NPZ, adnačasova zaklikaŭšy praciahvać impart, kab paźbiehnuć łakalnaha deficytu.

Analityki papiaredžvajuć, što ciapierašniaja stabilizacyja moža akazacca časovaj. Ukraina praciahvaje atakavać rasijskija NPZ, pryčym siarod celaŭ — bujnyja pradpryjemstvy sa składanym abstalavańniem, jakija zdolnyja atrymlivać z nafty bolš bienzinu, čym zavody z praściejšymi technałohijami. Tamu ich paškodžańnie asabliva mocna adbivajecca na zabieśpiačeńni krainy palivam.

Ekśpiert Centra Karniehi pa vyvučeńni Rasii i Jeŭrazii Siarhiej Vakulenka ličyć, što ŭkrainskija ŭdary ŭžo stvarajuć dla Rasii nie prosta niazručnaści, a surjoznyja ekanamičnyja prablemy.

«Kali Ukraina zmoža na praciahu niekalkich miesiacaŭ nanosić udary takoha ž maštabu i intensiŭnaści kožnyja dva-try tydni, heta karennym čynam źmienić funkcyjanavańnie rasijskaj ekanomiki», — papiaredžvaje jon.

Kamientary

Ciapier čytajuć

«Ciapier ja zdaju 41 kvateru ŭ Minsku i chaču vyraści da 100 kvater». Biełarus raskazaŭ pra biznes na karotkaterminovaj arendzie žylla10

«Ciapier ja zdaju 41 kvateru ŭ Minsku i chaču vyraści da 100 kvater». Biełarus raskazaŭ pra biznes na karotkaterminovaj arendzie žylla

Usie naviny →
Usie naviny

U Biełarusi źbirajucca bolš aktyŭna palavać na zubroŭ1

U Žabinkaŭskim rajonie ŭ DTZ zahinuli dva čałavieki

U Indaniezii sustreli źmiaju, jakaja pastaviła suśvietny rekord pa daŭžyni

U Biełarusi paskoryŭsia rost VUP5

Juškievič: Adnojčy mnie prapanavali: «Adno słova pa-polsku — 5 sutak ŠIZA. Ryzyknieš?»12

U minskaje mietro maładzion chacieŭ zajści ź niebiaśpiečnym kijem3

Cieła krakaŭskaha strałka nichto zabirać dla pachavańnia nie choča. Jaho dumajuć addać navukoŭcam6

Miss Kraken: sakretnaja ŭkrainskaja sistema vyhladaje jak navukovaja fantastyka, ale ŭžo pracuje na froncie3

Žerar Depardjo pryznaŭ svaju vinu ŭ seksualizavanym hvałcie4

bolš čytanych navin
bolš łajkanych navin

«Ciapier ja zdaju 41 kvateru ŭ Minsku i chaču vyraści da 100 kvater». Biełarus raskazaŭ pra biznes na karotkaterminovaj arendzie žylla10

«Ciapier ja zdaju 41 kvateru ŭ Minsku i chaču vyraści da 100 kvater». Biełarus raskazaŭ pra biznes na karotkaterminovaj arendzie žylla

Hałoŭnaje
Usie naviny →

Zaŭvaha:

 

 

 

 

Zakryć Paviedamić