Prezident Ukrainy Uładzimir Zialenski nie tolki paćvierdziŭ paškodžańnie Krymskaha mosta, ale i raskryŭ niekatoryja padrabiaznaści apieracyi. Pa jaho słovach, heta byŭ adzin z etapaŭ apieracyi, jakuju Słužba biaśpieki Ukrainy supolna z Hienieralnym štabam USU rychtavała i kaardynavała na praciahu niekalkich tydniaŭ.

Pierad asnoŭnym udaram ukrainskija vajskoŭcy pastupova źniščali rasijskija srodki supraćpavietranaj abarony, radary, kompleksy radyjoelektronnaj baraćby i inšyja abjekty na šlachu da celi.
Dla hetaha vykarystoŭvali bieśpiłotniki i rakiety Dovbush, «Viendeta», Da Vinci, «Sičeń», MICH 2000, «Ruta», «Palanycia», An-197, FP-1, FP-5 «Fłaminha», a taksama R-360 «Nieptun».
Zialenski asobna raskazaŭ pra ŭzbrajeńnie, jakoje vykarystali niepasredna dla ataki na most. Pa jaho słovach, bieśpiłotniki «Palanycia» paškodzili aŭtamabilnuju častku zbudavańnia, a rakiety «Nieptun», drony «Ruta» i FP-5 — čyhunačnuju.
Prezident Ukrainy taksama adznačyŭ, što z dapamohaj rakiet «Fłaminha» ŭkrainskija vajskoŭcy ažyćciavili kiravanaje paškodžańnie celi, a suviaź pracavała biez zbojaŭ da apošnich siekund apieracyi.
Zialenski nazvaŭ ataku adkazam na rasijskija ŭdary pa ŭkrainskaj infrastruktury, u tym liku pa mastach.
«My nieadnarazova prapanoŭvali Rasii kroki dla deeskałacyi, ale ŭ adkaz čuli tolki hučnyja admovy. Rasija štodnia nanosić udary pa našaj infrastruktury, u tym liku pa mastach u Zaparožžy, Dniapry, Kijevie i Adeskaj vobłaści. My adnaŭlajem svaju infrastrukturu. Ale i nahadvajem Rasii, što vajna zaŭsiody budzie viartacca tudy, dzie jana pačałasia», — zajaviŭ ukrainski prezident.
Jon padziakavaŭ SBU, padraździaleńniam Sił abarony, ukrainskim raźviedčykam i vytvorcam zbroi, jakaja vykarystoŭvałasia padčas apieracyi.
Kamientary
Pa Mackvie 🚀 🚀 🚀🚀🚀🚀🚀🚀🚀....
Pa leninhradu 🚀🚀🚀🚀🚀🚀🚀🚀....
Pa Sralinhradu🚀🚀🚀🚀🚀🚀🚀🚀....
I hetak dalej na 💩 rośsii💩