Niezvyčajnuju karcinu možna było nazirać ranicaj 18 listapada na Kamsamolskim voziery ŭ Parku Pieramohi.

Tam časova zapracavaŭ fantan «Vietraź». Cikava, što strumieni vady ŭzdymalisia nad vozieram na vyšyniu bolš za 10—15 mietraŭ, piša Tochha.by.
Darečy, pobač znachodzilisia rabotniki «Minskzielanbuda», jakija i zapuścili «Vietraź». Jany pravodzili techničnyja raboty i, vidać, rychtavali zbudavańnie da zimy.

Paźniej fantan zacich. Adnak mnohija minaki paśpieli palubavacca hihanckaj vodnaj fiejeryjaj napiaredadni zimy.

U stalicy dziejničajuć 39 fantanaŭ.
Najstarejšy ź ich raźmieščany ŭ Alaksandraŭskim skviery. Havorka idzie pra fantan «Chłopčyk ź lebiedziem», jaki pracuje z 1874 hoda.
Samy sučasny fantan znachodzicca niepasredna ŭ race Śvisłač. Heta śviatła-muzyčny fantan pamiž parkam Janki Kupały i Kamunistyčnaj vulicaj.
Kamientary