Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim
U 2025 hodzie papularny brend Belaruskicry pryznali ekstremisckim farmavańniem, a jaho dyrektar pa vytvorčaści Jahor Bužyłaŭ byŭ zatrymany. Paśla hetaha ich akaŭnty pierastali abnaŭlacca.

«Upieršyniu, bolš čym za hod, my sustrakajemsia z vami», — zapisała pryvitalnaje videa paśla praciahłaj cišyni stvaralnica brenda Saša Kurkova. «Ja vielmi sumavała. Bolš za hod maŭčańnia, ale nie spynieńnia».
Alaksandra raspaviała, što sacyjalnyja sietki Belaruskicry pakul zastanucca ŭ tym stanie, u jakim jany jość ciapier.
«Na heta jość roznyja pryčyny, i ja spadziajusia na vaša razumieńnie. Ale ŭvieś hety čas my praciahvali stvarać vašy ŭpryhožvańni, vy ich zamaŭlali i my budziem rabić heta dalej».
Dyzajnierka padziakavała ŭsim, chto padtrymlivaje ich pracu, asobna adznačyŭšy členaŭ kamandy, jakija zrabili svoj uniosak u raźvićcio Belaruskicry ciaham piaci hadoŭ isnavańnia.
Ad inšych kamientaroŭ pradstaŭniki brenda na dadzieny momant ustrymlivajucca.
Viadoma, što Alaksandra Kurkova zajmajecca brendam z Hruzii. Heta nie adziny jaje nakirunak dziejnaści — pad markaj 2fingers dziaŭčyna stvaraje ŭpryhožvańni z adbitkami palcaŭ ci, naprykład, źlepkam nosika ci łapki chatniaha hadavanca.
U Biełarusi ž, skarystaŭšysia časovymi prablemami ŭ Belaruskicry, ich vyraby pačali płahijacić inšyja juvieliry z All bling. Biełaruskamoŭny dyzajn — naprykład, vyraby sa słovam «Buśka» ci litaraj «Ŭ», tyja stali aktyŭna pradavać akurat paśla taho, jak z rynku ŭnutry Biełarusi prybrali kankurentaŭ.
Kamientary